Video
Read full review
2015-03-03
494 views
東南亞菜式是在我文中頗常見的一環，最普遍的大抵要數泰國、印度、印尼及越南。難得今次聚會食既就係泰國菜，我就梗係點都去。唔係去九龍城，而係位處尖沙咀，提供多款海鮮刺身的泰園。好多朋友都中意食刺身，拉力應該如是。我都知架啦，平時又唔多覺想要食泰菜，同佢地講起就突然咁熱衷…… 環境裝潢新淨又闊落，坐得十分舒適，真係啱一堆人聚會。樓底高，更掛有吊飾，感覺有點像宴會廳。衛生情況固然是令人滿意，也沒有很多昆蟲一齊開飯，唔驚！重點就係佢地店內係有海鮮吧，吸睛至極。諗起西式日式餐廳內的，海鮮置於冰上，插起名牌，即叫即片。泰式燒牛肉沙律 $98 最近天氣好像變暖了點，有時甚至可稱之為熱。不如就先來一點沙律，開開胃又解解熱吧？ 沙律疊得高高上桌，若非以沙律為主食，大概能三四人分吃。燒牛肉夾雜其中，佔量不少，算是對得起價錢。牛肉切得薄身，微燒過後是半生熟狀態，略帶嫩紅。入口稔軟帶香，沒有經常嚐到的油膩感，反是牛肉肉香四溢。未有想像中的嫩度，但筋位不多，亦不乾柴，易嚼易咬。伴著其他爽口清新的蔬菜，以及酸中帶辣勁的泰式醬汁同食，挺沁涼的！立魚刺身 $258 一盆滿滿的鮮切刺身上桌，擺放得像扇形，更捲有花
環境裝潢新淨又闊落，坐得十分舒適，真係啱一堆人聚會。樓底高，更掛有吊飾，感覺有點像宴會廳。衛生情況固然是令人滿意，也沒有很多昆蟲一齊開飯，唔驚！重點就係佢地店內係有海鮮吧，吸睛至極。諗起西式日式餐廳內的，海鮮置於冰上，插起名牌，即叫即片。
泰式燒牛肉沙律
$98
34 views
0 likes
0 comments
最近天氣好像變暖了點，有時甚至可稱之為熱。不如就先來一點沙律，開開胃又解解熱吧？
沙律疊得高高上桌，若非以沙律為主食，大概能三四人分吃。燒牛肉夾雜其中，佔量不少，算是對得起價錢。牛肉切得薄身，微燒過後是半生熟狀態，略帶嫩紅。入口稔軟帶香，沒有經常嚐到的油膩感，反是牛肉肉香四溢。未有想像中的嫩度，但筋位不多，亦不乾柴，易嚼易咬。伴著其他爽口清新的蔬菜，以及酸中帶辣勁的泰式醬汁同食，挺沁涼的！
立魚刺身
$258
21 views
0 likes
0 comments
立魚刺身 $258一盆滿滿的鮮切刺身上桌，擺放得像扇形，更捲有花狀。加上點點裝飾，鮮艷不過火，賣相精緻可見心思。
立魚原字打不出來，但就是鯛魚吧，紅白並存奪目吸引。脂肪不多，比較清新少膩感，用來開場當然是合適不過。魚肉片片厚薄合宜又均勻，整齊統一，刀功盡現。質感滑溜爽口，不多筋，魚香淡清。
刺身醬汁
10 views
0 likes
0 comments
椰汁雞湯
$158
36 views
1 likes
0 comments
椰汁雞湯 $158椰汁雞湯有如酸辣湯，只是嗆感及烈度稍因椰汁而減淡。第一次喝到的時候，好似俾人跣左鑊咁。本以為是椰香滿瀉，稠身香甜如粟米湯的潤口感覺。豈知是酸辣帶嗆，差點當場噴出來……今次早有心理準備，要迎戰這個朋友發板的湯品。
甫端上便傳來幽幽椰香，當中滲了香茅香氣。待職員幫我們分好湯品，發現湯面的油份不多，湯料就多多。先嚐一口湯，椰味足又不太膩，稀身無黏感。酸辣味道比想像中的來得溫和，入喉未至於刺激到要咳嗽連連。香茅及檸檬草清香突出，令湯品味道更是清新。我分得一兩分雞肉，稔身，肉味肉香卻就盡於湯中了。
四色拼盤
$188
28 views
0 likes
0 comments
春卷
13 views
0 likes
0 comments
蝦餅
13 views
0 likes
0 comments
香葉包雞
18 views
0 likes
0 comments
魚餅
24 views
0 likes
0 comments
海南雞（全）
$188
16 views
0 likes
0 comments
海南雞（全） $188為左食佢地富有特色的雞油飯球，我地順便點左隻全雞。係既！飯係重點，海南雞倒成配菜……
這裏的海南雞還是用較少油的原版。係就係冇黃油雞咁香口，同時算是忠於原作，也沒有那麼膩口。雞肉肉香自然而濃郁，不算嫩滑但也叫稔香濕潤。雞皮則是滑溜溜的，冇咩脂肪及雞凍，咬落帶爽。點下酸酸地又有少辣既稀身醬汁，不會沾得太厚，解膩香口。
雞油香飯（六球）
$18
12 views
0 likes
0 comments
少見將雞油飯以如此特別的形式上桌的，一般都是一碗過。老實說，這樣搓成球狀，雖是賣相可愛獨特，但我就有點懷疑其黏油能力。碗盛既話，拌好的雞油若是滴流，也可以墊底盡吸。但要搓成球狀，先決是不能太油，否則會黏不成形狀。其次是搓好後，不能再吸再加附雞油。
不說太多，用雙筷輕輕的抱起飯球，未有破裂，黏力還算高。色澤只是淡黃，沒有平日看到的偏黃雞油色水，聞落都唔重香。飯粒是煙韌不淋爛，對於中意食物有咬口既朋友就真係啱哂。雞油香氣及味道果然是比一般的少，清淡而低調，也算是淡膩的選擇。
椰汁西米糕（六件）
$48
19 views
0 likes
0 comments
椰汁西米糕（六件） $48飯後總要來點甜，食得泰菜，梗係揀泰式甜品啦！最常食到既，莫過於椰汁西米糕。包得夠密實，唔會滲漏出黎，看著不錯。面層椰奶凍香氣濃濃的，稠厚滑順。甜香當中帶有絲絲椰子原有的鹹香，不會過膩。底下的西米則是粒粒分明，綿身微黏，甜度適中。整體入口不會過膩，但講真冇咩突破，味道都係食開咁上下。
芒果糯米飯（黑）
$68
34 views
0 likes
0 comments
芒果糯米飯（黑） $68這裏頗有趣的是可以選白糯米，還是黑糯米，卻又沒有黑白。不知會唔會可以黎個半半糯米，就像韓式炸雞店的做法呢？
黑糯米本就比白糯米少黏，又未至於鬆散，只是沒那麼易結塊。香氣則是更勝一籌，清香不被稠厚甜香的椰漿搶過。粒粒分明不會過乾過硬，煙韌香軟。配上清甜自然的厚厚芒果塊同食，頓時消去滯感。
珍多冰
$38
20 views
0 likes
0 comments
滿滿一杯，價錢不便宜是真的。椰汁香味頗濃，甜度剛剛好，唔會話溝到好稀去呃秤。內裏有綠綠的粉條，軟綿不爛，蠻有彈性的。
雖然不是泰式飲品，記得是印尼起源的。但感覺頗合食東南亞菜式時同飲，幾解得辣既。如果出既時候加多支小匙，用黎舀粉條食，會更加方便，反正我不用能氣功去升起粉條……
Other Info. :
服務頗是貼心及有效率，面帶笑容。收碟加水是做足的，做快的，不會讓客人等太久。另外說說，這裏的水帶點香茅香，但飲落去都仲係無味既XD
(The above review is the personal opinion of a user which does not represent OpenRice's point of view.)
Post
