摩登堂 (荃灣廣場) (Closed)

荃灣街鋪定商場都多左唔少餐廳，食物質素都唔錯。平日放假同朋友去左荃灣廣場嘅泰國菜餐廳食個豐富午餐。我同大食朋友叫左兩個lunch set再加左d小食同甜品摩登手工海南雞飯 餐配油飯，冬瓜湯海南雞份量正常，肉質都幾嫰滑，有油香。油飯爽口，粒粒分明，唔會太油膩，有淡香。冬瓜湯清淡，消暑解膩。蝦頭油大蝦炒金邊粉份量大大份，細食兩個人都好足夠。大蝦有三隻，食落肉質爽口彈牙。金邊粉炒得剛好，保持少少濕潤，咬落分明。配上芽菜，蔥同花生碎，口感豐富。調味帶微微嘅甜味， 整體唔錯。加配左 自家馬拉盞炒通菜份量都幾大份，馬拉盞唔算太辣，食落香口惹味，加埋蒜蓉就更加香。通菜鮮嫰鴨屎香百香果茶 少甜百香果淡香，冇太多外加甜味，整體飲落好清新，飲到底茶味天加出，配泰式美食很不錯。涷元祖泰奶茶 少甜獨有嘅磚紅茶色，奶茶唔會太甜，質感滑溜，茶夠香。午市選擇都好多，出菜都好有效率，係附近打工仔放lunch 嘅好選擇！