泰地道 (文苑樓) (Closed)

泰地道啦.....原來餐廳廚師係泰國人，唔怪得知甘有泰國風味啦！雖然餐廳細細但都坐得好舒服寬敞，環境氣氛不錯。食泰菜一定要配椰青好冰凍清甜解渴。泰菜我都係鍾情冬蔭功湯，嘩....第一淡飲落去仲以為自己去左泰國，酸酸辣辣仲有香茅味好香濃醒胃，一睇就覺得真才實料。泰地道燒雞，燒雞有陣陣香茅既香料味道，燒得好惹味同埋好入味，基本都唔使點醬料。泰式蝦醬炒通菜，炒得不錯。黃咖哩牛腩配埋蒜蓉多士，黃咖哩可以再辣番小小，牛腩好淋，多士好脆口。泰式香芒椰汁糯米飯，一個係班蘭味一個蝴蝶花味既糯米飯好有特式加埋椰汁同芒果一齊食好味。