亞萊泰 (T Town North)

Open Now

Now Closed

聽講T town都有好多嘢食，梗係要嚟試下啦，今晚揀左食泰國菜，於是入左阿萊泰喇。二人套餐好抵食只要308蚊就有大蝦冬蔭功湯（$82），湯好好飲，仲有兩隻大蝦，爆蝦膏，仲有半隻手板咁大隻，抵食。半隻海南雞（$98），超級鮮嫰去埋骨，啱哂我呢啲懶人食。泰式小食拼盆（$78）仲有蝦餅，泰式素春卷，魚餅同鳳凰丸，鳳凰丸係雞肉同香草混合而成。鹹肉炒通菜（$65），好惹味夠鑊氣，鹹肉份量都多，抵食。泰式鮮蝦金邊粉（$85）份量超大，蝦夠新鮮，金邊粉甜甜地配上花生碎加上豆腐乾好地道。最抵仲有跟餐13蚊嘅Singha 啤酒，正。再加杯芒果乳酸（$29）大大杯夠冰凍，多果肉，完美的一餐中秋節飯。值得一提係呢個餐遂樣嗌要460蚊，而家308蚊加50蚊有飯或粉，唔叫餐，散叫都有8折優惠。