Video
Read full review
2010-06-10
17 views
都不止一次品題呢間小店，無去半年，上星期同友人一行四人再來食飯﹗就是妳了，九龍城泰好味﹗店子雖少，食物種類卻不少。呢度出名價錢相宜，食物比起九龍城其他出名一點的泰菜至少平3成。小店一間，室內座位甚少，迫迫狹狹的只有六七個，其餘枱開在門口及露天後巷，建議坐街更舒服﹗有幾味食物是我同食家每次來都必點的，食左幾十次都仲好有水準﹗就讓我介紹一下我同食家的泰好味必吃三寶﹗第一樣是生蝦刺身，只係$40，有十隻﹗隻隻肥美飽滿，新鮮實淨，入口軟糯爽口得不得了，佢個自家製辣汁超惹味，蘸少少提鮮勁正，不過唔好蘸太多，因為真係好鬼辣﹗以前來每人會食一碟，呢次小吃多滋味，大家分享﹗今夜不喝酒，要了杯青檸梳打，酸酸甜甜幾開胃﹗第二樣必點的食物，是這兒的泰式小食拼盤。只係$50吧，大大碟夠四個人分，在其他地方邊到搵呢？我最鍾意食佢個炸皮蛋，即叫即整入口是熱辣辣的，皮蛋外層包上蝦膠，炸得金黃香脆，中間皮蛋香噴噴又夠軟熟，外脆內軟的交融，有如樂章。食家最愛吃春卷，切得細細粒容易食，春卷皮夠扎實，脆口無比，入面是蘿蔔絲、粉絲、肉碎等餡料等，蘸上甜酸醬同吃，好味道﹗就咁叫個蝦餅有成十件八件，呢個拼盤每人有一件就岩岩好﹗這
就是妳了，九龍城泰好味﹗
店子雖少，食物種類卻不少。
呢度出名價錢相宜，食物比起九龍城其他出名一點的泰菜至少平3成。
小店一間，室內座位甚少，迫迫狹狹的只有六七個，其餘枱開在門口及露天後巷，建議坐街更舒服﹗
有幾味食物是我同食家每次來都必點的，食左幾十次都仲好有水準﹗
就讓我介紹一下我同食家的泰好味必吃三寶﹗
第一樣是生蝦刺身，只係$40，有十隻﹗
隻隻肥美飽滿，新鮮實淨，入口軟糯爽口得不得了，佢個自家製辣汁超惹味，蘸少少提鮮勁正，不過唔好蘸太多，因為真係好鬼辣﹗
以前來每人會食一碟，呢次小吃多滋味，大家分享﹗
今夜不喝酒，要了杯青檸梳打，酸酸甜甜幾開胃﹗
第二樣必點的食物，是這兒的泰式小食拼盤。
只係$50吧，大大碟夠四個人分，在其他地方邊到搵呢？
我最鍾意食佢個炸皮蛋，即叫即整入口是熱辣辣的，皮蛋外層包上蝦膠，炸得金黃香脆，中間皮蛋香噴噴又夠軟熟，外脆內軟的交融，有如樂章。
食家最愛吃春卷，切得細細粒容易食，春卷皮夠扎實，脆口無比，入面是蘿蔔絲、粉絲、肉碎等餡料等，蘸上甜酸醬同吃，好味道﹗
就咁叫個蝦餅有成十件八件，呢個拼盤每人有一件就岩岩好﹗
這個蝦餅又是不可多得﹗自家打成的蝦膠，炸得金黃香脆，中間夠哂煙韌彈牙，質素甚高。
難得的是這個拼盤三樣野都係好食，如你在其他地方叫佢唔知搭東又搭西，總有不好吃的存在。
第三樣泰好味必點的食物是辣魷魚沙律﹗
吃前要有心理準備，因為佢個辣汁相當之辣，直頭係會辣到人口唇麻痺0個隻。
係好辣，不過越辣你就越想挑戰佢，食完又叫辣，辣完又再食，這是一個循環﹗
$40又係大大碟，魷魚夠多亦入味，四個人辣到出哂汗也甘願。
這兒的三寶終於都介紹完，平日我同食家兩個人就係食哂以上三樣野都夠皮了，今日難得有朋友分享，梗係食多幾味啦﹗
泰式炒貴刁。
貴刁炒得幾乾身，醬汁香甜夠味，配上大量的芽菜食落清新，當然不得不提佢加入左大量炸蒜粒同埋花生，口感更佳味道更出眾，唔錯喎﹗
咖哩大蝦。
其實食咖哩唔多建議配蝦，一來咖哩味濃，搶哂蝦的鮮甜﹔二來唔知點解次次叫親咖哩蝦都總係失望的。
不過最後都係神推鬼擁叫左。
蝦有四隻，是大頭蝦，咖哩味香濃令我嚼不出蝦味，蝦雖大隻卻未算爽口，下次都係配番豬牛羊吧﹗
吃咖哩我只有一個心願，就是加多兩片蒜蓉包。
雖然個蝦印象麻麻，不過個咖哩夠濃稠，食落除了咖哩香外亦帶蛋香，配蒜包是一絕，相當惹味，盡將其美味簡單的發揮至極點﹗
最後食埋佢地既串燒﹗
雞串來的，不知打從那天開始，我對於呢0的沙爹汁串燒已不太感興趣，醃得總是覺得過火，只知在吃一塊肉，加0的沙爹汁，等如食汁﹗
來這兒，吃我介紹的三寶總沒錯，如未夠飽就試埋個炒貴刁，美味出色﹗
四個人埋單$300，這麼抵食值得我長期對佢支持，這是我第一間放在我的心水餐廳的食店，已三年了仍多番支持，必有原因呢﹗
更多相:
http://hk.myblog.yahoo.com/smallsmalllin/article?mid=20951
Post
