Video
Read full review
2024-08-27
234 views
泰好記今次要介紹喺旺角一間泰國菜餐廳叫「泰好記」，餐廳名真係太好記，好唔好食，性價比高唔高，真係永遠記得「太好記」！呢間泰國菜餐廳門口有一級，輪椅人士要入去食嘅話，就要自備斜板，成功入到餐廳唔代表入到座位，因為門口要直角L形入去，我部輪椅都係啱啱好入到去，解決咗門口要直角L形入去就通通無障礙，店員就帶我去最方便輪椅嘅位置坐，佢哋係用QR code落單，午市套餐真係好抵食，最平$58起，仲可以加$12揀一款小食，揀特飲都只係加$8（椰青及啤酒除外），真係平到笑！1.黃咖哩牛肋粒飯$62+青檸沙冰$8+炸蝦餅$12（8.5/10）呢個黃咖哩係有少少甜辣辣地，牛肋粒大約有10舊，不過每舊牛肋粒都有少少韌，其他配料有薯仔同洋蔥，咖哩汁撈飯一流！飲品就加咗$8叫咗一杯特飲：青檸沙冰，呢杯酸酸哋嘅青檸沙冰飲落酸到好醒神，好解渴又解辣！小食就加咗$12叫咗炸蝦餅，原來一碟炸蝦餅係有一大舊炸蝦餅，佢哋已經剪開四小舊比客人方便食，炸蝦餅炸得好脆，入面蝦膠脹卜卜，蝦膠落得好足，好好味！2.醉邁牛腩金邊粉$62+芒果沙冰$8+泰式鳳爪$12（8/10）醉邁牛腩金邊粉個牛腩有5大舊，每一舊都比較瘦，有少少韌，
今次要介紹喺旺角一間泰國菜餐廳叫「泰好記」，餐廳名真係太好記，好唔好食，性價比高唔高，真係永遠記得「太好記」！
呢間泰國菜餐廳門口有一級，輪椅人士要入去食嘅話，就要自備斜板，成功入到餐廳唔代表入到座位，因為門口要直角L形入去，我部輪椅都係啱啱好入到去，解決咗門口要直角L形入去就通通無障礙，店員就帶我去最方便輪椅嘅位置坐，佢哋係用QR code落單，午市套餐真係好抵食，最平$58起，仲可以加$12揀一款小食，揀特飲都只係加$8（椰青及啤酒除外），真係平到笑！
1.黃咖哩牛肋粒飯$62+青檸沙冰$8+炸蝦餅$12（8.5/10）
呢個黃咖哩係有少少甜辣辣地，牛肋粒大約有10舊，不過每舊牛肋粒都有少少韌，其他配料有薯仔同洋蔥，咖哩汁撈飯一流！
飲品就加咗$8叫咗一杯特飲：青檸沙冰，呢杯酸酸哋嘅青檸沙冰飲落酸到好醒神，好解渴又解辣！
小食就加咗$12叫咗炸蝦餅，原來一碟炸蝦餅係有一大舊炸蝦餅，佢哋已經剪開四小舊比客人方便食，炸蝦餅炸得好脆，入面蝦膠脹卜卜，蝦膠落得好足，好好味！
2.醉邁牛腩金邊粉$62+芒果沙冰$8+泰式鳳爪$12（8/10）
醉邁牛腩金邊粉個牛腩有5大舊，每一舊都比較瘦，有少少韌，金邊粉好滑，仲有兩舊好甜冇渣嘅蘿蔔，不過湯底唔夠濃，整體差少少！
飲品就加咗$8叫咗一杯特飲：芒果沙冰，呢杯芒果沙冰芒果味好濃，夏天消暑一流！
小食就加咗$12叫咗泰式鳳爪，呢碟泰式鳳爪雖然好細碟，但份量都唔少，大約都有十隻鳳爪，每隻鳳爪都好夠辣，酸味就較少，咬落又夠爽脆，好好食！
3.串燒豬肉雞肉一串$12（9/10）
原來唔係叫一個午市套餐只能叫一次$12小食，再叫串燒豬肉雞肉各一吋，可能掛住影相關係，已經攤凍哂，有少少乾！
4.雞中翼兩隻$12（9.5/10）
再叫多一碟雞中翼兩隻，初初上枱時，以為四隻雞翼，原來佢哋係展開半隻半隻一齊炸，雞翼外面炸得好香脆，好好食！
5.冬陰功湯$75（9/10）
你往冬陰功湯份量勁多，絕對唔止二人份量，四人一齊飲都得，酸酸辣辣好開胃，冬陰功湯入面配料都有勁多，包括有好多秀珍菇、大約五隻蝦仁同蕃茄仔等！
6.串燒三拼（豬牛雞）六串$108（8.5/10）
再叫多一碟串燒三拼，但原來可以兩拼各三串，揀咗牛肉同雞肉，牛肉好味少少，雞肉比較乾少少！
**食完先記得同食物一齊大合照🤦😅**
2人總共價錢$371
個人口味總評分：8.75/10
地址：旺角通菜街75-77號地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#泰好記 #旺角 #旺角好去處 #旺角美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
