少爺泰 (Closed)

今日係沙田圍呢邊開完工，就見到有間新開既泰菜餐廳食飯。 餐廳內人頭湧湧，坐無虛席。佢呢度有午市套餐，木頭車湯粉，仲有泰式下午茶。我同朋友睇完個menu就決定叫佢既signature dish 天天海南雞飯 (HKD 62)加配熱柚子蜜 (加HKD 2)同埋清邁黃咖喱牛坑腩飯 (HKD 65)加配頂癮勾魂泰茶(配鮮忌廉，加HKD 12)。而佢既餐牌特別之處係會教人講泰文。先黎既係海南雞飯，分量都幾大，有雞腿有雞胸，肉質好嫩滑，仲可以點泰式薑蓉同酸辣醬。佢啲油飯都有好多，味道好好，有椰香味添，但係食完無飽滯既感覺。 另外佢有酸青瓜同蔬菜等等。杯熱柚子蜜就不過不失。跟住黎既就係個牛坑腩飯，就分量都唔細，有好多牛坑腩，而且好稔，一啲都唔韌。至於個黃咖喱汁唔算辣而且略帶甜，令到我想再添食。值得一提既就係佢杯泰茶，味道係比普通奶茶較為甜，但係非常茶底滑而且又夠香，令人真係好頂癮。