Video
Read full review
2021-01-18
45 views
泰好味～今日同媽咪去屯門行街，見到新開左間泰國餐廳，裝修好有泰式風情；離遠見到有客人食緊大大碟排骨好鬼滋味，吸引左我地行左入去覓食。我地樣樣都想試，於是點左四樣野～🎋泰式火車頭和牛炒飯呢碟炒飯一上台就聞到好香好香，忍唔住拿拿聲食左啖；材料非常豐富，有青瓜，芥蘭，蛋等等；可能因為和牛賣晒，轉左用雞粒，但係都好惹味好有鑊氣。🎋泰式肉碎生菜包呢樣前菜係意想不到咁開胃～半肥瘦嘅肉碎、蔥、炸豬皮、同埋各種泰式香料一齊炒，用左魚露調味，用生菜包住食一啲都唔油，加埋辣椒粉更加好食。🎋軟殼蟹米紙卷呢樣係最清新嘅一味，軟殼蟹揸得香脆，同青瓜紅蘿蔔芒果一齊卷係米紙，再點酸酸甜甜嘅醋汁，感覺食咗好多菜好健康呀。🎋火山排骨（小）壓軸嘅呢個排骨真係好吸睛啊，名副其實係火山形狀，有五大嚿豬頸骨，上面鋪滿芫荽、蔥同蒜，而且每嚿都有好多肉。上碟嘅時候店員好貼心提醒我哋隻碟好熱要小心，仲俾埋手套我哋。最難得係排骨肉完全唔鞋，仲有啲嫩滑既感覺，點埋魚露風咪既汁真係好正。最後點左壺洛神花薑茶，酸酸甜甜，好岩消滯。
今日同媽咪去屯門行街，見到新開左間泰國餐廳，裝修好有泰式風情；離遠見到有客人食緊大大碟排骨好鬼滋味，吸引左我地行左入去覓食。
我地樣樣都想試，於是點左四樣野～
🎋泰式火車頭和牛炒飯
呢碟炒飯一上台就聞到好香好香，忍唔住拿拿聲食左啖；材料非常豐富，有青瓜，芥蘭，蛋等等；可能因為和牛賣晒，轉左用雞粒，但係都好惹味好有鑊氣。
🎋泰式肉碎生菜包
呢樣前菜係意想不到咁開胃～半肥瘦嘅肉碎、蔥、炸豬皮、同埋各種泰式香料一齊炒，用左魚露調味，用生菜包住食一啲都唔油，加埋辣椒粉更加好食。
🎋軟殼蟹米紙卷
呢樣係最清新嘅一味，軟殼蟹揸得香脆，同青瓜紅蘿蔔芒果一齊卷係米紙，再點酸酸甜甜嘅醋汁，感覺食咗好多菜好健康呀。
🎋火山排骨（小）
壓軸嘅呢個排骨真係好吸睛啊，名副其實係火山形狀，有五大嚿豬頸骨，上面鋪滿芫荽、蔥同蒜，而且每嚿都有好多肉。上碟嘅時候店員好貼心提醒我哋隻碟好熱要小心，仲俾埋手套我哋。最難得係排骨肉完全唔鞋，仲有啲嫩滑既感覺，點埋魚露風咪既汁真係好正。
最後點左壺洛神花薑茶，酸酸甜甜，好岩消滯。
Post
