Video
Read full review
2021-10-21
1047 views
食物既選擇唔多, 不過每款都幾特別, 最利害既係佢地既泰式cocktail, 配搭相當特別☺️ 除左正常既餐單之後, 仲有vegan menu 可以選擇, 唔食肉既朋友都可以黎呀🥰Vegan Chicken Drumstick🍗($68)原本想叫tom yum sausage 但係冇曬, staff 就推薦我地食drumstick🙂 為左提升造型既相似度, 用左短既雪條棍串起整到脆脆既腐皮包住用豆整既素雞肉, 再加埋個甜辣醬, 的確係唔錯😚Thai Basil Chick Spaghetti(Half)🍝($78)Spaghetti可以揀full size ($148) 或者 half size ($78), 我地兩個人就叫左個half size share 咁樣就可以試到多啲唔同既野👍🏽 呢個spaghetti真係超好食, 意粉本身十分爽身, 再加埋啲綠色辣椒同埋雞肉撈埋一齊辣得黎又勁惹味, 黎到一定要食🌶️Thailand on a platter🇹🇭 ($178)黎到呢度當然要試下個泰式拼盤啦😍 Platter入面有5款唔同既小食, 首先有彈牙惹味既Tom Yum 魚餅, 外脆內軟既
食物既選擇唔多, 不過每款都幾特別, 最利害既係佢地既泰式cocktail, 配搭相當特別☺️ 除左正常既餐單之後, 仲有vegan menu 可以選擇, 唔食肉既朋友都可以黎呀🥰
Vegan Chicken Drumstick🍗($68)
原本想叫tom yum sausage 但係冇曬, staff 就推薦我地食drumstick🙂 為左提升造型既相似度, 用左短既雪條棍串起整到脆脆既腐皮包住用豆整既素雞肉, 再加埋個甜辣醬, 的確係唔錯😚
Thai Basil Chick Spaghetti(Half)🍝($78)
Spaghetti可以揀full size ($148) 或者 half size ($78), 我地兩個人就叫左個half size share 咁樣就可以試到多啲唔同既野👍🏽 呢個spaghetti真係超好食, 意粉本身十分爽身, 再加埋啲綠色辣椒同埋雞肉撈埋一齊辣得黎又勁惹味, 黎到一定要食🌶️
Thailand on a platter🇹🇭 ($178)
黎到呢度當然要試下個泰式拼盤啦😍 Platter入面有5款唔同既小食, 首先有彈牙惹味既Tom Yum 魚餅, 外脆內軟既炸雞肉丸, 辣得黎又勁彈牙既泰式扎肉, 脆脆既炸蝦片裝住都幾辣既泰式豬肉沙律, 炸皮蛋🔥 呢5款小食入面我最鐘意扎肉同埋豬肉沙律, 兩樣都辣辣地勁惹味, 而且呢兩個味道唔係好多地方食到🤩 炸皮蛋我就麻麻地, 都係鐘意食中式煮法既皮蛋多啲🤪
Sriracha Chicken Wings 🐓($72)
我地食完前面果三樣野唔夠喉, 決定叫多個雞翼🙃 Sriracha醬完美咁佈滿係炸左既雞翼上面, 辣得勁過癮🤤 最貼心既係全部都係單骨雞翼, 食既時候超方便👍🏽
The Old Fashioned🥃($118)
辣醬, 薄荷葉, 朱古力, 橙, 鹽再加酒調製而成一杯Signature cocktail, 個人覺得味道麻麻, 有陣好似膠既味道😨
Tom Yum🌶($138)
一睇就知呢杯係泰式cocktail, 飲落第一啖有微微既辣, 再落多幾淡就會飲到香茅, 青檸同埋檸檬既清爽同香味, 同其他配料溝埋就係飲緊一杯清新既冬蔭公cocktail, 個人覺得特別得黎又幾好飲😍
因為卜枱既時候有mark 係慶祝生日, 所以老闆最後送左每人一shot俾我地, cream加vodka味道真係有啲似蛋糕既味道, 係超易入口😎 餐廳唔大, 坐門口果三張枱會比較有空間感🤟🏽 呢度啲staff超級friendly 同埋好有禮貌, 真係feel到佢地係有用心去經營餐廳🍴 食物質素高得黎又夠特色, 真係好值得試下🥰
Post
