阿叔泰麵 (西菁街) (Closed)

近來經常入元朗行街食飯，搭車又方便所以醫肚餓第一時間就諗去元朗喇，朋友介紹阿叔泰麵好食兼抵食有唔少fans! 於是便專程去試試，地方不難找在元朗最旺的地區附近，店內唔算大但勝在夠光猛牆邊噴有得意的公仔圖案天花板上的佈置好奪目；我鍾意食牛所以選了牛肉船麵麵質夠彈牙，用新鮮牛骨淆湯味道果然夠香濃而不覺口渴，湯是真材實料淆成的！👍炸豬皮好夠脆，牛丸又彈牙最最令我欣賞的就是牛腩！牛腩夠大件不是碎碎的，好腍好夠味不會像其他店又鹹又硬實實！炸雞翼都好認真烹製 只是一道炸雞翼沒有半點馬虎！另外不得不提侍應服務態度好好夠主動又殷勤禮貌！這間食店俾我有一個好好的印象👍下次再去光顧喇😄