Video
Read full review
2021-08-17
3525 views
喺尖沙咀返工嘅朋友話最近試咗一間環境唔錯又好食嘅泰國菜，所以今日就同老公嚟試吓呢間泰斗。嚟得食泰國菜基本上一定要叫炸蝦餅，而呢個金銀蛋就係一個錦上添花嘅皮蛋蝦餅，佢係用蝦膠包住整個原隻皮蛋再炸，然後切開上碟，淨係賣相都已經夠吸睛，而佢選用嘅皮蛋都係靚貨，所以味道真係好夾好好食。另外當然唔少得嘅就係叫返幾串串燒，呢個鹽燒牛舌所配嘅並唔係沙嗲醬，而係泰式辣汁，牛舌厚身得嚟夠爽口，係3款串燒中最好食嘅！另外仲點咗串燒豬肉同串燒雞肉，呢2款就配以沙嗲醬，個人認為豬肉整體較好味。店員推介我哋試咖喱火焰老虎蝦，老虎蝦上枱之後，店員就會淋上燃燒中嘅拔蘭地，不但令味道提升，更加係視覺上嘅享受。爽口嘅虎蝦肉配上香而帶微辣嘅咖喱汁，簡直係絕配。為咗唔想浪費咁美味嘅咖喱汁，我哋就點咗一客蒜蓉包，上面有粒粒蒜蓉，牛油亦搽得均勻，就咁食都已經好好味。另外又試埋烤薄餅，個人認為味道較簡單嘅烤薄餅點咖喱汁，味道更夾更突出。原本想點泰式椰菜苗，可惜店員話冇貨，唯有要蝦醬炒通菜，味道都唔錯，而且份量都相當多相當抵食。見到隔離枱嘅沙冰超大杯，所以我哋都叫咗一杯菠蘿沙冰，賣相超靚，味道又唔太甜，呢個份量share飲已經足夠
嚟得食泰國菜基本上一定要叫炸蝦餅，而呢個金銀蛋就係一個錦上添花嘅皮蛋蝦餅，佢係用蝦膠包住整個原隻皮蛋再炸，然後切開上碟，淨係賣相都已經夠吸睛，而佢選用嘅皮蛋都係靚貨，所以味道真係好夾好好食。
金銀蛋
$128
53 views
0 likes
0 comments
鹽燒牛舌
$38
43 views
0 likes
0 comments
店員推介我哋試咖喱火焰老虎蝦，老虎蝦上枱之後，店員就會淋上燃燒中嘅拔蘭地，不但令味道提升，更加係視覺上嘅享受。爽口嘅虎蝦肉配上香而帶微辣嘅咖喱汁，簡直係絕配。
咖哩火焰老虎蝦
$198
26 views
0 likes
0 comments
另外又試埋烤薄餅，個人認為味道較簡單嘅烤薄餅點咖喱汁，味道更夾更突出。
原本想點泰式椰菜苗，可惜店員話冇貨，唯有要蝦醬炒通菜，味道都唔錯，而且份量都相當多相當抵食。
蝦醬炒通菜
$88
15 views
0 likes
0 comments
最後當然唔少得食個芒果糯米飯，芒果用上泰國芒果，所以比較硬身，配返口感軟糯嘅糯米飯同埋椰汁嚟食，為今日嘅「泰國之旅」畫上完美句號。
Post
