泰Cool

Open Now

Now Closed

最近去咗呢間位於九龍灣淘大商場四期嘅泰國菜餐廳，環境非常闊落，入面幾個大鳥籠設計嘅座位非常吸睛，啱晒打卡，而且仲有2隻好得意嘅貓貓🐱走嚟走去，勁得意。首先上場嘅食物係馬拉盞炒通菜。馬拉盞醬，味道濃郁鹹鮮，係正宗泰國風味，帶有微辣的香氣，通菜亦炒得恰到好處，保持了原本的脆感，好食。跟住，我哋叫咗一份泰式炒牛河。牛肉切得厚薄適中，醃得幾滑，炒嘅火候控制得幾好，鎖住牛肉嘅咗肉汁。河粉口感滑爽，唔知係咪加咗啲啲泰式魚露，成個炒粉有種豉油鮮香，令人驚喜。然後嚟到主菜——泰皇咖喱軟殼蟹釀巨型麵包。呢道菜真係視覺同味覺嘅雙重享受！軟殼蟹炸到金黃酥脆，搭配濃郁的泰式黃咖喱醬汁，味道香濃，又唔會太鹹，蟹肉鮮甜惹味。巨型農夫包外脆內軟，吸收了咖喱汁，令人食到停唔到口。吃完主菜，當然唔能錯夠錯過甜品。芒果糯米飯係我最愛嘅泰式甜品之一。佢哋嘅米飯香甜軟糯，配合超甜嘅芒果，淋埋椰漿先係精髓啊，口感一流，推薦。講埋飲品，我哋選擇咗椰青和龍眼冰。椰青清爽可口，帶有自然的甜味，飲一啖即刻feel到冰涼清爽；而龍眼冰口感更甘甜，龍眼數量多，十分滿足。