Video
Read full review
2025-03-12
106 views
難得同母親大人撐檯腳，緊係揀返最就腳嘅地方，同埋滿足阿媽對泰國菜嘅渴望，所以我哋選咗泰Cool。其實之前都有試過佢哋嘅Lunch，但Dinner就係第一次來，都幾期待！☺️無骨鳳爪沙律阿媽嘅至愛，一上菜已經話咁大份嘅，份量真係相當可觀。鳳爪酸微微又辣辣地，夠開胃😋馬拉盞炒通菜通菜保持住爽脆嘅口感，而且炒得好有鑊氣，味道鹹香惹味，我哋最後忍唔住叫咗碗白飯一齊食，搭配米飯食真係一流！青咖喱雞🐔青咖喱雞味道濃郁，青咖喱嘅香味撲鼻而來。平時食咖喱雞最怕雞肉煮到太硬，但呢度嘅雞肉又大舊又嫩滑，完全冇失去肉質的原汁原味，當然少不了用黎撈飯食🍚蒜蓉包叫任何咖喱加$30就有蒜蓉包，香脆嘅外皮加上滿滿嘅蒜蓉，食落去真係好過癮，配埋青咖喱，索晒啲咖喱勁正火山排骨今次第一次試火山排骨，份量比我想像中多，有成六大舊排骨，每一舊都啖啖肉，肉質煮得非常軟腍鬆化，輕鬆就可以分拆肉同骨。整體黎講，晚餐都冇令我失望，下次可以再encore試其他菜式🤤
難得同母親大人撐檯腳，緊係揀返最就腳嘅地方，同埋滿足阿媽對泰國菜嘅渴望，所以我哋選咗泰Cool。其實之前都有試過佢哋嘅Lunch，但Dinner就係第一次來，都幾期待！☺️
無骨鳳爪沙律
阿媽嘅至愛，一上菜已經話咁大份嘅，份量真係相當可觀。鳳爪酸微微又辣辣地，夠開胃😋
馬拉盞炒通菜
通菜保持住爽脆嘅口感，而且炒得好有鑊氣，味道鹹香惹味，我哋最後忍唔住叫咗碗白飯一齊食，搭配米飯食真係一流！
青咖喱雞🐔
青咖喱雞味道濃郁，青咖喱嘅香味撲鼻而來。平時食咖喱雞最怕雞肉煮到太硬，但呢度嘅雞肉又大舊又嫩滑，完全冇失去肉質的原汁原味，當然少不了用黎撈飯食🍚
蒜蓉包
叫任何咖喱加$30就有蒜蓉包，香脆嘅外皮加上滿滿嘅蒜蓉，食落去真係好過癮，配埋青咖喱，索晒啲咖喱勁正
火山排骨
今次第一次試火山排骨，份量比我想像中多，有成六大舊排骨，每一舊都啖啖肉，肉質煮得非常軟腍鬆化，輕鬆就可以分拆肉同骨。
整體黎講，晚餐都冇令我失望，下次可以再encore試其他菜式🤤
Post
