象月-泰式休閒餐廳 (Closed)

同屋企人入開大埔，見呢間泰國菜新開，即管試吓。餐廳光猛整潔，幾鍾意佢啲燈，餐牌有好多相，即管睇下實物係咪咁先！見隔離枱食生蝦刺身（ $95/六件），我哋又叫咗碟，刺身新鮮，還附送冰鎮苦瓜，不錯！要咗個炸蝦餅（ $78 ），都有八件，彈牙有質感，不錯不錯。仲有炸單骨雞翼八件（ $48 ），醃得入味，幾好味。門口個牌寫廚師推介有沙嗲串燒拼盤（88），所以都叫一個嚟試吓，燒得剛剛好沒有過火，而且醃得好惹味，推介！食得泰國菜梗係想試返碗冬陰公（ $138 ），冬陰公和香草味濃郁，但又唔會太辣，很不錯！馬拉盞炒椰菜（ $78 ）都幾好，啲菜夠新鮮，又夠入味，係份量稍為少咗啲。我哋仲驚死唔夠飽叫咗兩個飯，新鮮菠蘿炒飯（ $108）同火焰海鮮椰青飯（ $98 ），點知鬼死咁大碟，啲飯多到成座山咁。菠蘿炒飯用菠蘿殼盛載，肉鬆、腰果、菠蘿、雜豆和蝦等等，幾好味。椰青飯都幾驚喜，除咗足料，仲好有椰漿味，連椰青肉都一齊煮，值得推介！