泰巷 (MOSTown新港城中心) (Closed)

午餐想食湯麵又唔想去茶餐廳，就去左泰巷食下泰式湯粉。午餐時間等左15分鐘左右。跟餐加3蚊可以轉泰式奶茶，因為比港式奶茶甜嘅關係，無得轉熱飲或者走冰，要用冰去中和返甜度。但依間唔算太甜，like!👍🏻我叫左香茅雞翼湯河，有三隻雞翼。湯河有幾樣配菜，粗芽菜，白蘿白，炸豬油，豆卜同九層塔。白蘿白都煲得夠’淋’，湯底算濃味，因為落左九層塔，食落好香。雞翼炸得香脆，不過可以再入味啲就更好。鮮牛肉湯河嘅湯底同配菜都一樣，牛肉都算嫩滑。