泰廚房子 (德福廣場1期)

Open Now

Now Closed

今日一行三人係九龍灣行過見到間泰㕑房子，咁啱又係食飯時間，所以入去試下，一坐下叫咗個泰式沙律，佢展示左香港人靈活同聰明嘅特質！當你去泰國食泰式沙律嘅時候，豆角一定係全生嘅冇經過任何嘅烹調嘅，而呢一間餐廳嘅豆角就唔同啦，豆角喺滾水煮過大約20秒左右，微微咁樣煮熟，表面少少柔軟，而內裏幾乎係全生嘅，佢係一粒靈活同聰明嘅豆角！靈活在於疫情之下，仲有咩人夠膽食生嘢吖？但係你煮熟晒佢，就會犧牲咗泰式沙律嘅特色。而呢間餐廳稍為咁樣灼熟，平衡左兩方面嘅需要，仲有香港人根本就接受唔到生的豆角，你話係咪靈活同埋聰明呢？呢個咪就係香港精神囉！講返個沙律，要讚嘅除咗具有香港精神之外，當中嘅芒果真係超甜又大粒，份量又多，絕對無慳料。而入面嘅脆脆同腰果，同芒果及青瓜等配料一齊放入口，脆，軟，香，甜口感一啖有齊晒！呢個午餐，清新得嚟又滿足，為身為香港人嘅我再充足電，繼續返工！疫情之下咁多位兄弟姊妹，飲食業同工，上下一心加油啊！頂住呀！