Fusion%泰式私房菜

Open Now

Now Closed

好耐無去九龍灣工業區那邊，今日過去某公司寫字樓，離開時正值午飯時間，常悅道有很多餐廳，看見一間名為 Fusion%泰式私房菜 咁特別一於叫同事一齊試吓，呢間餐廳晚間做泰國菜，中午就做午餐，係泰式午餐，可能時間關係泰式大蝦炒金邊粉已售罄，唯有叫其他都好吸引的午餐。A2餐香茅鴛鴦扒飯，有燒雞扒及炸豬扒配泰式酸辣汁，炸香茅豬扒好香脆，裏面軟綿綿。D1辣肉碎拼雞扒飯，燒雞好夠火侯，雞皮燒到零脂肪有少少脆，雞肉偏乾身點泰式辣汁好夾，辣肉碎是主角，香辣惹味肥瘦適中，仲有豆角粒豐富了口感，午餐送養生茶真材實料，飲杯竹蔗茅根茶淡淡清香微甜解膩。