泰 (瓊華中心)

Open Now

Now Closed

炭燒豬頸肉豬頸肉好入味，完全唔會好油膩，燒到香口又惹味，肉質爽口彈牙，好嫩好juicy。連埋炸蒜一齊入口，仲多左啲脆口嘅口感。精髓在於配有檸檬葉嘅醬汁，蘸埋一齊食，更加充滿泰式風味。泰式小食拼盤(魚餅、蝦餅、雞翼、春卷各2件、沙嗲串燒4串）豬牛小食拼盤相當豐富，可以試到唔同嘅小食，配有泰式甜酸醬同泰式花生沙嗲醬。炸魚餅：十分結實，完全唔油膩。炸蝦餅：必食推介，包澤金黄，蝦膠滑包住粒粒蝦肉，口感十分爽口彈牙。香茅雞翼：雞翼醃得好入味，夠大隻，皮脆肉嫩：充滿肉汁。素菜春卷：米網春卷炸得十分酥脆，入面包住素菜，如：木耳絲、紅蘿蔔絲等。沙嗲串燒(4 串)：我地嗌左豬同牛，大大串，肉質軟嫩，完全唔難咬，表面掃左一層蜜汁，配有特製的泰式花生沙嗲醬，仲食到粒粒花生，十分惹味。Shake Shake海鮮3款第一次品嘗 Shake Shake 海鮮，感覺好新奇有趣就嗌左 3款海鮮試下。我地揀左扇貝(4隻)虎蝦(4隻)同魷魚圈(8件)。Shake Shake 海鮮配有一個 ShakeShake 袋，自己將海鮮同泰式醬汁倒入一齊 Shake。 虎蝦大隻新鮮，肉質爽口彈牙；扇具大隻厚肉，十分鮮甜；魷魚圈彈牙。