蘇媽廚房 (Closed)

收到蘇媽廚房搬往旺角消息，三五成群又要出勤，WhatsApp預約私房菜，蘇媽推介比我哋嘅係新出品「泰式咖喱餐」。一團10人沿住豉油街一直往渡船街方向走，漸漸遠離熱鬧，睇見一間淺紫色舖頭，加上四周清靜，好似進入一處休閒景界。打頭陣係椰汁雞湯，香濃椰汁味，怕辣的都可以一試，真心覺得幾啱香港人口味；再來有紅咖喱牛肉配蒜茸包（新鮮熱辣辣嘅蒜茸包浸入咖喱汁，入口依然脆卜卜，一個字形容—讚！）接著係青咖喱海鮮同黃咖喱大蝦，帶子脹卜卜又惹味，原來海鮮配咖喱真係一絕，唔食得太辣嘅我都忍唔住一羹羹嘅咖喱汁直接倒入口。仲有個超可愛嘅迷你菠蘿炒飯及椰汁咖喱時蔬，再配埋一人一杯青檸梳打及飯後甜品—泰式西米糕及椰汁糕，呢一餐總算不枉我地一直追蹤蘇媽廚房的下落呀！