泰國婆

Open Now

Now Closed

將軍澳區發展完善, 隨著不少飲食名店進駐, 美食可謂包羅萬有。這間主打海南雞和船麵嘅泰國餐廳位於東港城, 木系裝修清雅舒適。迷你海南雞飯份量精緻, 雞肉已去骨, 肉質好嫩滑, 雞油飯熱暖幼滑有油香。迷你船牛河湯底濃香帶甜味, 河粉幼身彈牙, 牛丸爽彈, 牛肉夠香口。串燒拼盤雞、牛、豬各2串, 串燒好香口, 各款肉質都好嫰滑多汁, 點埋醬汁更加惹味。泰式炸蝦餅蝦餅外層香脆, 蝦肉爽口彈牙, 點配菠蘿肉醬汁, 果甜味令蝦肉味道更鮮美。泰式燒豬頸肉 豬頸肉燒得香口, 肉質爽滑不油膩, 口感爽脆。加配 1件大菜糕, 糕身爽滑, 椰汁味香濃。