After You Dessert Café (Closed)

評分：4.9 / 5🔥🔥🔥🔥落左幾日終於可以出街行吓啦！但係落完雨都咁熱🥵行唔夠兩步就出晒汗！尼個時候最啱去食刨冰🍧降下溫了！After You Dessert Cafe就係銅鑼灣登龍街，之前要排長龍等好耐先食到，我平日去直接Walk in都仲有空位剩，餐廳嘅冷氣好勁，好似入咗雪櫃咁凍🤣🤣🤣喺度食下刨冰，打躉都唔錯啊！👅Baby 泰式奶茶刨冰 $82既然係泰式刨冰就一定要試下其中一款招牌，泰式奶茶刨冰！茶味濃郁，入口棉滑，似係食緊雪糕多過刨冰😋覺得唔夠甜嘅可以加埋奶茶醬 double sweet🤤，入邊仲有啲仙草粒同埋多士粒，口感豐富！👅泰式蜜糖檸檬茶$42港式檸檬茶就飲得多啦，今次試吓泰式檸檬茶，茶底係用手標牌泰式茶👍，一如既往咁甜，即使係凍飲都飲得出香濃茶味，飲唔夠仲可以自行添飲添😍飲完個嘴好似搽咗橙色唇膏咁😂抹都抹唔甩。