泰式食泰國菜館

Open Now

Now Closed

今日OT收得夜同同事落九龍城食泰菜宵夜呢間之前幫襯開，貪佢收得野幾點嚟都仲有嘢食😁不過記得佢之前個招牌係黃色嘅，唔知幾時轉左手，而家變咗綠色招牌名都唔同左🧐前菜叫咗碟炸蝦餅，雞肉串燒，墨魚丸同燒魷魚炸蝦餅好好食，但一望就知啲串燒唔燒嘅而係炸嘅😵唔知係咪燒爐壞咗，要用炸爐頂住先😂泰式乾炒豬肉河粉食過咁多間，第一次見泰式炒河粉落雲耳😂同埋啲豬肉似係用中式酒醃過味道唔係咁夾芋頭海鮮焗飯唔知係咪換咗香港人師傅個飯食落去似中式炒飯多啲唔講的話可能會以為係食緊茶餐廳炒飯😂轉左手之後師傅手勢麻麻🤷🏻‍♀️都係鍾意以前啲嘢食多啲又係時候轉場試吓下一間泰菜了😌