金三角

Open Now

Now Closed

有事要去九龍城處理，處理完之後就覓食，喺九龍城就梗係想食泰國菜，經過呢間小店，喺門口望兩眼，跟住同店員傾咗幾句，發覺佢哋全部都係泰國人，咁就決定喺呢度食😁叫咗$58嘅「豬頸肉炒飯」、$63嘅「泰式炒芥蘭」，再加杯「泰式凍奶茶」😋「炒芥蘭」先上，呢個安排我喜歡，食蔬菜先感覺健康啲；芥蘭菜好新鮮，加大量蒜蓉、紅辣椒、黃豆、泰式醬汁等一齊炒，非常美味😋「豬頸肉炒飯」炒得好香口，加埋切粒嘅豬頸肉一齊食好滋味；店員姐姐更主動俾啲魚露我，魚露裏邊充滿紅椒同蒜粒，加埋落炒飯裏面食更加惹味😋小店食物質素幾高，食完我仲同店員舉起三隻手指，佢哋都明白我👍💪😋