Orange Elephant Thai Restaurant (利奧坊) (Closed)

orange elephant thai有好幾間分店，之前我哋喺大角咀舊舖博文街都食過好幾次，原來最近搬咗新址，位於利奧坊，新鋪維持園林式嘅裝修，感覺好熱帶👍🏻優惠繼續維持🙌🏻每星期日日不同的$1菜色，星期一係明爐燒烏頭，大大條魚令人食指大動，湯頭甘甜酸酸地，真係越食越開胃！泰式拼盤～選擇困難症嘅我哋選擇咗呢款拼盤，唔使諗就集齊四款泰國特色小食，有炸魚餅、炸蝦餅香葉包雞和泰式春卷，即叫即整，款款上到枱都係好香脆，夠晒熱辣辣，特愛炸蝦餅，入口香口彈牙，外面嗰層麵包糠脆卜卜😍炸魚餅都好惹味，高質！椰青焗海鮮飯原個椰青嘅焗飯好少見，海鮮類豐富，有蝦、蟹柳、青口、魷魚，非常大碟，食嘅時候要小心啲，因為份量太大爭啲整跌啲飯😁，內裏椰肉拌飯一起吃，充滿椰香，好有特色！