泰斗 (中達大廈)

Open Now

Now Closed

雨天的日子，同好姊妹去尖沙咀做完facial，在海防道一帶搵到這間環境同氣氛都唔錯的泰國餐廳～～泰斗，少少似酒Bar的環境，還有一排戶外的坐位，我地就選擇了坐戶外的梳化位置，都幾似去了泰國食飯的感覺，坐位非常寬闊，是個傾計的好地方。小食拼盤（$128），包括了雞中翼、魚餅 、蝦餅、春卷，每樣2件，雞中翼和春卷炸到脆卜卜，不乾身、不油膩，魚餅和蝦餅啖啖魚肉和蝦肉，肉質爽口彈牙，配上泰式甜酸醬一齊食，非常美味。最愛食的泰式串燒～牛、豬、雞各二串（$114），每串都燒得肉質鬆軟，好有炭燒的香烤味道，亦唔會覺得乾身，配上沙嗲醬，真的令人回味無窮。蝦醬炒通菜（$88）大大碟，帶有濃味的蝦醬和蒜蓉，帶點微辣，通菜炒得好香口、惹味。泰式蝦肉炒金邊粉（$108）金邊粉份量都幾多，香甜的茄汁味，旁邊有花生醉，可先攪拌金邊粉和蝦肉，在點上青檸汁，酸酸甜甜，份外開胃。椰汁西米糕（$48），西米糕有兩層，上層是椰汁糕，帶有甜甜的椰汁味、下層是粒粒西米和粟米，冰冰凍凍非常美味。