小火山 (Closed)

今日約咗個朋友聚一聚，聽佢講原來銅鑼灣開咗一間可以同時燒肉同打邊爐嘅餐廳，我哋二話不說就book咗！原來而家泰國好興呢種同時燒肉同打邊爐模式，而小火山除咗提供多款肉類，仲有提供唔少泰式食物。餐廳環境好chill，有好多植物，仲有現場busking可以聽！今次又可以燒肉又可以打邊爐，好開心！而且打邊爐仲可以選擇兩款湯底，今次我揀咗香茅椰汁雞湯同牛骨船湯。香茅椰汁雞湯味道好特別，椰汁味好香，帶點酸味。牛骨湯味道非常濃郁，牛味好重。小火山三味刺身一口杯盛合三味刺身分別有生蠔、三文魚同生蝦。生蠔大大粒，配咗啲辣味嘅醬汁，好惹味。三文魚幾大片，好新鮮。泰式生蝦好鮮甜，質地彈牙，都配有辣辣地嘅醬汁。小火山經典泰豬鍋拼盤豬肉拼盤有多款唔同部位嘅豬肉，例如有豬梅花肉、豬頸肉、豬腩肉等等。豬梅花肉肉感比較重，適合用嚟打邊爐。豬頸肉充滿油香，有咬口。豬腩肉我建議用嚟燒，燒完之後豬腩肉表面金黃色，油脂感爆滿！泰式豬梅花肉片依款配有一隻蛋，煮之前可以先將梅花肉片沾滿蛋。依款我攞咗嚟燒，因為有蛋嘅關係，所以識落特別香。而且豬扒大大塊，肉質好軟淋。炸蝦片配冬陰蛋黃醬炸蝦片有好大籃，每塊都好大塊，食落好香脆。冬陰蛋