Video
Read full review
2014-11-02
799 views
11月之星既生日會係"藍馬"搞，離不開飲酒、擲標、骰盅、唱k等。晚黑成10點先開始，橫店要食飯，就約心地善良既朋友"小狗"食個生日飯喇！靚女密友話"小狗"平日最常食放題、邊邊等。依……似乎泰國菜比較少食喎 ！我提議揀泰菜喇！上OpenRice望下，見到天后有間"泰出色"泰國餐廳，笑臉好多啊 評價內容似乎不俗，"小狗"也讚成，靚女密友二話不說即刻做野！大家準時到達餐廳門口，"泰出色"既裝潢跟出面普遍既泰式餐廳差不多！餐廳內既座位空間感窄小，人多時就明顯地感覺唔多自在 ，唯有大家親密d將就下……聽"小狗"話，男女厠所分隔比較遠，唔知頭知路時，米揾餐飽囉！翻開menu, 勁多款式 ，唔怕 我地七個人咁多，樣樣點d，一定咩都試勻哂……1.生蝦刺身 : 蝦質彈牙爽口，夠鮮甜， 到痺呀！2. 大冬蔭公湯 : 熱鍋興住，熱辣辣。比較多奶，味淡唔夠辣，海鮮蝦夠彈身，又話大鍋既，乜得來4隻蝦 咁少架！3.泰式併盤 : 有春卷，炸得夠脆口。炸蝦餅、炸魚肉餅，d蝦膠魚肉爽口味美。香葉包雞，雞肉香口。4.雞肉串燒 : 點左沙嗲醬既雞肉，肉質超級嫩滑又香口，個個讚 不絕口！5.蝦串燒
大家準時到達餐廳門口，"泰出色"既裝潢跟出面普遍既泰式餐廳差不多！餐廳內既座位空間感窄小，人多時就明顯地感覺唔多自在 ，唯有大家親密d將就下……聽"小狗"話，男女厠所分隔比較遠，唔知頭知路時，米揾餐飽囉！
翻開menu, 勁多款式 ，唔怕 我地七個人咁多，樣樣點d，一定咩都試勻哂……
1.生蝦刺身 : 蝦質彈牙爽口，夠鮮甜， 到痺呀！
2. 大冬蔭公湯 : 熱鍋興住，熱辣辣。比較多奶，味淡唔夠辣，海鮮蝦夠彈身，又話大鍋既，乜得來4隻蝦 咁少架！
3.泰式併盤 : 有春卷，炸得夠脆口。炸蝦餅、炸魚肉餅，d蝦膠魚肉爽口味美。香葉包雞，雞肉香口。
4.雞肉串燒 : 點左沙嗲醬既雞肉，肉質超級嫩滑又香口，個個讚 不絕口！
5.蝦串燒 : 雖然蝦身彈下彈下，但明顯比前者比下去囉……
6.泰式明爐魚 : 用魚形鐵鍋燒熱上桌，魚身用上粉絲、芫荽、葱花、紅蘿蔔絲、辣椒等配料一齊蒸，味道清淡。因為一路蒸住，爐魚肉質唔夠滑，味道帶點土腥味，要點上醬汁辟一辟！
7.欖菜豆角炒肉碎 : 肉碎炒得夠入味，豆角鮮美爽脆！
8.鱿魚筒 : 好鮮甜，又有頭！
9.絲網蛋包飯 : 俾menu張靚靚賣相相片欺騙左，來到竟然係一pat超求其既蛋包飯 ，似學生上家政課時，自家炒果隻囉 ！切開蛋包，可見有臘腸片炒飯，飯身粒粒太乾身，口感超級普通！
10.海鮮炒金邊粉 : 有少少甜味，海鮮蝦彈身，金邊粉有點見膠膠地，一個字"差” ！
11.烤薄餅+蒜蓉多士 : 薄餅算薄，多士亦脆。點上咖哩汁後，當然無得輸！
12.黃咖哩牛腩 : 賣相奇特，仲以為係攞錯隔離既焗海鮮酥皮湯 呢！黃咖哩夠幼滑，大舊薯仔夠腍，牛腩肉質熟腍入味，好好食！
13.椰青 : 消暑清甜，飲後辣氣全消！椰子肉滑溜，好多椰肉！其他朋友就叫左啤酒、沙冰……等
對比其他泰國菜館，整體上總是淡淡的，梗係爭緊一d嘢！又可以話係鑊氣唔夠既, 稍遜一籌係一定架嘞, 價錢並不便宜，試不試由你了！Post
