Video
Read full review
2022-05-24
23 views
【泰式美食💛 出色和牛船麵！特式車仔麵！】推薦程度：●●●◐○抵食程度：●●●●○———終於試到呢間過江龍喇！佢喺泰國有50間分間，湯底聽聞係用牛骨、豬血、斑蘭葉等香料新鮮熬8小時！連炸豬皮都係泰國運到，保留返最泰式嘅味道！🍜 澳洲和牛船麵｜$68店舖推薦，食完亦都好有驚喜🔥 麵底可揀蛋麵/米粉/金邊粉/河粉。揀咗蛋麵、唔辣、走茜。蛋麵類近幼麵，食落爽口有彈性，咬第一啖就已經驚豔咗！唔辣嘅好處係食到原汁原味，牛肉味非常出眾✨ 肉質腍身，厚薄適中，入口帶油脂香但唔太膩，好食！不過份量唔算多，細食啲就剛好，大食嘅可能要叫多個小食～ 值得一讚係檯上有辣粉、酸辣汁同魚露自由再加料，可以按喜好再調配湯底。🍜 船麵X車仔麵（兩餸）｜$42冇諗過泰國船麵都可以好似港式車仔麵咁，多選擇，自由配搭，但又保留到泰式風味！揀咗蘿蔔、泰國牛肉丸、麵底米粉撈、中辣（秘制辣醬）、走芽菜走茜。麵底同樣可揀蛋麵/米粉/金邊粉/河粉，米粉爽口量多，夠飽肚。有啲失望嘅係中辣係超級微辣（可能接近10小），仲有啲甜味，令本身想食辣嘅心意有種落差感，但就啱晒唔食得辣又想過下癮嘅朋友仔～ 比例上麵底多但辣醬份量偏小，唔夠撈起成個
推薦程度：●●●◐○
抵食程度：●●●●○
———
終於試到呢間過江龍喇！佢喺泰國有50間分間，湯底聽聞係用牛骨、豬血、斑蘭葉等香料新鮮熬8小時！連炸豬皮都係泰國運到，保留返最泰式嘅味道！
3 views
0 likes
0 comments
🍜 澳洲和牛船麵｜$68店舖推薦，食完亦都好有驚喜🔥 麵底可揀蛋麵/米粉/金邊粉/河粉。揀咗蛋麵、唔辣、走茜。蛋麵類近幼麵，食落爽口有彈性，咬第一啖就已經驚豔咗！唔辣嘅好處係食到原汁原味，牛肉味非常出眾✨ 肉質腍身，厚薄適中，入口帶油脂香但唔太膩，好食！不過份量唔算多，細食啲就剛好，大食嘅可能要叫多個小食～ 值得一讚係檯上有辣粉、酸辣汁同魚露自由再加料，可以按喜好再調配湯底。
🍜 船麵X車仔麵（兩餸）｜$42冇諗過泰國船麵都可以好似港式車仔麵咁，多選擇，自由配搭，但又保留到泰式風味！揀咗蘿蔔、泰國牛肉丸、麵底米粉撈、中辣（秘制辣醬）、走芽菜走茜。麵底同樣可揀蛋麵/米粉/金邊粉/河粉，米粉爽口量多，夠飽肚。有啲失望嘅係中辣係超級微辣（可能接近10小），仲有啲甜味，令本身想食辣嘅心意有種落差感，但就啱晒唔食得辣又想過下癮嘅朋友仔～ 比例上麵底多但辣醬份量偏小，唔夠撈起成個麵，少少乾身。配料方面蘿蔔夠腍、夠甜，唔錯；牛肉丸幾彈牙夠juicy、帶肉味，冇脂油混入，比起港式牛丸冇咁膩～
🐮 牛魔王拼盤 (2串牛柳粒、2串牛舌、2串沙嗲牛肉)｜疫情優惠價$88泰國菜點少得串燒～ 一個併盤就有齊3款牛食。當中牛舌燒等最好，牛味十足、夠腍身、加埋燒醬一流✨ 牛柳粒有啲太熟、偏乾，可能火喉太勁；沙嗲牛肉就中規中矩，醬汁微辣帶甜，口味大眾化。肉質都係略略過熟，如果再嫩口啲會好食啲，唔會浪費咗個醬汁。
🧋 泰仔奶茶 $14奶茶用碗仔裝好特別，有船上風味✨ 飲落夠奶香、細滑，唔太甜，唔錯～ 鐘意泰式奶茶嘅必定要試試😆
Post
