Video
Read full review
2022-05-06
114 views
是日星期五，happy friday 勁唔想煮飯，所以去左元朗呢間良心小店「阿叔泰麵」食個晚飯。餐廳位於元朗西菁街，旁邊好多整車鋪頭，門口呈橙黃色，好容易搵到，餐廳內裝修都幾靚，牆身有好多漫畫圖畫，背景仲播住泰文歌曲，周圍都好有泰式風情，唔知仲以為自己去左泰國添呀。船麵層層叠：餐牌上見到有樣叫「船麵層層叠」，詢問店員下得知原來係細細碗嘅船麵，有牛肉、豬肉同雞肉揀，配有芽菜，通菜同花生碎。麵方面可以揀金邊粉、河粉、粉絲或米粉。一碗＄15，10碗或以上就每碗＄12，20碗或以上就每碗＄10，食得越多越平，除此之外，亦都可以加＄20配小食一款，分別有粒粒雞棗、篤篤炸丸、香茅魚露雞翼同聖芭東酸辣鳳爪。我地揀左要雞肉船麵，要金邊粉，湯底以新鮮牛骨熬製，味道鮮甜，非常濃郁。湯底花生味香濃，金邊粉 食落爽口，入口煙韌，檯上仲有四款醬料，分別係白醋、砂糖、辣椒粉、魚露，客人可以自行加入船麵去調配自己口味。蛋炒咖哩蟹肉飯：泰式咖喱係我最愛嘅菜式之一，不過咖喱配蟹肉就真係少見，所以打算試下。呢個飯賣相非常吸引，所以我地都忍唔住「相機食先」，值得一讚係咖喱汁同白飯有分隔開，咁就唔洗驚要食「湯飯」啦。蛋炒咖喱
餐廳位於元朗西菁街，旁邊好多整車鋪頭，門口呈橙黃色，好容易搵到，餐廳內裝修都幾靚，牆身有好多漫畫圖畫，背景仲播住泰文歌曲，周圍都好有泰式風情，唔知仲以為自己去左泰國添呀。船麵層層叠：
餐牌上見到有樣叫「船麵層層叠」，詢問店員下得知原來係細細碗嘅船麵，有牛肉、豬肉同雞肉揀，配有芽菜，通菜同花生碎。麵方面可以揀金邊粉、河粉、粉絲或米粉。一碗＄15，10碗或以上就每碗＄12，20碗或以上就每碗＄10，食得越多越平，除此之外，亦都可以加＄20配小食一款，分別有粒粒雞棗、篤篤炸丸、香茅魚露雞翼同聖芭東酸辣鳳爪。
我地揀左要雞肉船麵，要金邊粉，湯底以新鮮牛骨熬製，味道鮮甜，非常濃郁。湯底花生味香濃，金邊粉 食落爽口，入口煙韌，檯上仲有四款醬料，分別係白醋、砂糖、辣椒粉、魚露，客人可以自行加入船麵去調配自己口味。
蛋炒咖哩蟹肉飯：
泰式咖喱係我最愛嘅菜式之一，不過咖喱配蟹肉就真係少見，所以打算試下。
呢個飯賣相非常吸引，所以我地都忍唔住「相機食先」，值得一讚係咖喱汁同白飯有分隔開，咁就唔洗驚要食「湯飯」啦。
蛋炒咖喱味道極為香濃，味道唔會太辣，蟹肉分量都唔算少，配埋滑蛋，口感非常正，配埋白飯食，真係好開胃。
聖巴東酸辣無骨鳳爪：
我地另外都單點左個鳳爪，份量比想像中多，食落爽脆有咬口，味道方面酸酸辣辣，非常惹味。
Post
