阿叔泰麵 (西菁街) (Closed)

香港人最緊要食餐好嘅，今日入咗元朗搵食，見到一間好唔起眼嘅泰國菜阿叔泰麵，但係見到個門口比佢吸引左裝修得非常特別，推開大門入邊更加泰國風以木為主牆身滿佈七彩畫作，喺度食飯好舒服仲以為自己去咗泰國度假咁，座位都有成10張枱感覺都好闊落而且最緊要係店內衛生非常之整潔。餐牌食物都有好多種選擇，其實我係為咗想食船麵而以來，成日聽人講話好好食我梗係嗌船麵啦，$15一碗細細碗又可以試到唔同嘅口味，我叫咗三碗唔同嘅口味有牛肉丶豬肉丶雞肉～原來個湯底係用藥膳牛骨去煮成，第一口飲落去已經感覺到好重藥材味，每一碗都配有一塊炸豬皮，豬皮香脆有少少油甘香滲出來，牛肉唔會太硬有口味軟淋，豬肉不會有豬肉口感爽囗，而最後一個就係雞肉，雞肉入囗順滑，好滿足呀一個人食咗三碗船麵，啲湯熱辣辣我都全部飲晒～二人细拼盤＄88兩個人夠晒食每人有兩件蝦餅丶香茅雞翼丶豬肉丸丶牛丸丶泰式鳳爪，蝦餅真材實料食落去有一粒粒蝦肉，另外我最鍾意就係泰式鳳爪夠酸酸辣辣夠晒惹味，牛丸豬肉丸配泰式甜酸醬吃增加口感～Yummy🤤🤤最後梗係點左一杯青檸梳打做結尾啦，我覺得呢間店舖值得推介，價錢實惠地方舒服，又可以同朋友回味一下泰國風情～