泰潮 (Closed)

今晚同朋友過嚟深水埗買啲嘢，經過呢間鋪頭見到係米芝蓮餐廳，都可以入去一齊食個晚飯。依間寫住米芝蓮餐廳，推廣食泰式海南雞，咁我哋就兩個人叫咗半隻雞。食泰國嘢，第一時間會諗起食啲酸酸甜甜嘅嘢，所以叫咗個泰式鳳爪。我朋友之前食過呢間，介紹咗個泰式香草煎蛋俾我食。原本諗住叫個煎蝦餅，問職員他們推介芝士蝦球，口感同蝦餅差不多，但裏面是包着留心芝士的。見隔離枱帶咗個泰國啤酒，我哋都帶咗兩支啤酒。半隻雞到咗，賣相都可以，雞皮冇多餘嘅脂肪，雞肉都算滑，不過食落就冇乜特別囉。呢個泰式鳳爪食落去好入味，份量都算唔錯，幾好食呢個泰式香草煎蛋，就咁睇如果唔知有啲似千層甜品🍮食落去幾香口，啲香草味又唔會太長，搶咗啲蛋嘅味道，令到兩者好平衡個味道，口味嘅嘢有機會大家都有分別，本人覺得可以值得一試。支啤酒到枱，我哋order要求佢要凍啲嘅，但係唔知係因為啲啤酒本身唔凍，定因為用膠杯飲，係依個天時暑熱嘅時候，飲落去真係一啲凍嘅感覺都冇，我哋再叫咗個冰桶，再多一支雪定，最尾真係食晒啲嘢先至飲到少少凍嘅感覺，啤酒真係好失敗，可以嘅話我下次都唔會再叫呢個芝士蝦球賣相一流，睇落去即叫即炸，不過一切開，見到個芝士得好少份量有啲