阿來泰式地道風味 (Closed)

今日我去咗食泰國嘢～雖然我係下午茶時段去嘅,但見到個餐牌之後我都係忍唔住叫咗佢哋個午餐去食佢哋個蠔仔煎蛋飯～以午餐來講呢個飯係相當抵食嘅,因為廚師用咗好多蠔仔去煎呢個蛋飯,起初我以為個飯會好乾,但當你配咗佢哋嗰個辣辣地嘅汁嘅時候,食落又唔係話好乾喎！加上佢哋煎到隻蛋嘅周邊都好脆,同埋成碟飯都好濃郁蛋味, 令人對呢道菜印象深刻～依度嘅飲品我建議會嗌少甜因為泰國嘢嚟講佢嘅嘢飲都算偏甜嘅 而呢杯凍奶茶奶味就好重,如果你嗌少甜嘅話味道既平衡就啱啱好喇！