泰國廚房

Open Now

Now Closed

泰國餐廳 - 門口就有兩棵大椰子樹🌴，泰式風情十足。餐廳店面夠晒大，分室內同室外座位。但因為天氣都幾熱，今次我哋就揀咗有冷氣嘅室內座位等自己坐得舒服啲。🍛蝦膏炒飯 $60炒飯本身炒得夠乾身，粒粒分明，炒得算係唔錯，加埋雞蛋同臘腸做配料，整體嚟講係幾好味。美中不足既係炒飯蝦膏味唔夠，未能夠提升到炒飯整體嘅香氣。🍢串燒套餐配黃油飯串燒套餐包咗泰式串燒三串，雞牛豬各一。上菜嘅時候三串串燒都熱辣辣，食落非常之香口。三種肉類都唔會燒到好似乾柴咁，配埋佢哋嘅沙嗲醬同黃油飯，非常之惹味！總括嚟講，星期六日$60有一個午餐仲要包埋杯野飲，仲要唔洗加一，都算幾抵食啦。如果有機會去開粉嶺嘅話，不妨一試呀。