Orange Elephant Thai Restaurant (利奧坊) (Closed)

❥⧽Orange Elephant Thai Restaurant ❥⧽餐廳由博文街搬咗去利奧坊, 位置幾方便。呢度裝修充滿泰式風情, 採用木系為主, 枱與枱之間有舒適嘅距離。𓊈炭燒牛肋骨 $𝟷𝟶𝟸𓊉牛肋骨燒得好香, 肉質軟腍, 一定要蘸點側邊個泰式醬汁, 令牛肋骨嘅味道更有層次, 醬汁唔辣, 帶少少酸甜, 好開胃。𓊈冬陰蝦炒飯 $𝟿𝟸𓊉冬陰公炒飯味道香濃, 有濃濃冬陰公味, 裡面有幾隻大蝦, 好爽口彈牙, 仲有菇, 洋蔥同泰式香料, 好好食!𓊈黃咖哩豬肉 $𝟾𝟸𓊉黃咖哩比其他咖哩溫和, 味道較重椰香味, 幾適合食唔到太辣嘅朋友, 豬肉片幾軟腍, 裡面仲有洋蔥同薯仔, 都好味。𓊈Mango Mania $𝟹𝟼𓊉芒果沙冰有淡淡芒果味, 唔太甜, 唔會有飲糖水嘅感覺。𓊈青檸梳打 $𝟹𝟸𓊉青檸梳打好 fresh, 可以解油膩感。♡♡ 整體食物不錯, 環境幾舒適, 值得推介。