青流 (Closed)

見上星期六咁好太陽，約左個朋友一齊入長洲周圍行，一邊行一邊影下相，由於天氣太熱既關係，我地決定揾間餐廳坐底食野，誤打誤撞行到入黎依度，當時門口已經見到有人排隊，見到有人排隊即係出名啦，所以成件事情就係咁簡單，我地就決定等位食喇。😂等左大約十五分鐘，終於有位，滿心歡喜既我諗住可以入去嘆下冷氣涼一陣啦，結果入到去既冷氣非常微弱⋯⋯個一刻唯有同自己講，心靜自然涼啦😁。依到地方細細，可以選擇既野食亦唔算多，最啱我依d有選困難症既人喇，最尾選左個手撕海南雞飯同一杯凍蜂蜜檸檬梳打。首先，先黎一碗胡椒豬肚湯，胡椒味濃郁。然後再黎手撕海南雞飯，海南雞已去骨，雞肉好嫩滑，再加油飯同個海南雞醬汁食，真係幾好味。最後，上左杯冰凍既蜂蜜檸檬梳打，一放低已經覺得隻杯好有泰國風味，再摸下隻杯，成隻杯都好冰凍，最後吸一啖，當堂醒神晒，就係因為佢，令到我開始無咁熱。依杯梳打簡直係消暑佳品。其實當坐耐左適應左個環境之後都唔係太熱既，同埋依到既食品水準ok同埋價格便宜，如果再入開黎，依個地方真係值得再試。