Video
Read full review
2023-04-15
414 views
喺旺角睇完戲，散場過嚟通菜街搵食。友人推薦呢間「篤篤車」，聽說大廚曾經做過米芝蓮西餐，水準絕對有保證！店舖主打 Fusion 車仔麵，湯底以泰式為主，有泰國鱷魚湯、冬蔭功湯、咖喱湯及清湯可選，另外亦有泡飯、菜、特式小食和飲品等供應。我哋點咗兩個套餐，一麵一飯，另加飲品。三餸麵+小食+菜 ($81)，先講下個三餸麵，揀咗冬菇、扎肉、生根配油麵及小辣咖喱湯。湯底非常入味，入口帶濃郁咖喱香，鍾意食辣嘅朋友可以一戰。冬菇大大隻、好厚肉；扎肉彈性十足，味道唔會過鹹。生根煙韌有咬勁，香口得來又沒有油益味，加上索晒咖喱湯嘅精華，配爽滑嘅油麵吃，惹味非常！三餸泡飯+小食+菜 ($83)，三餸飯選了珍珠元貝(+6)、牛腩(+$6)、貢丸配鱷魚湯。湯底奶白色，味道非常清甜，內有茶樹菇、紅棗和杞子，有種飲藥膳湯嘅感覺。珍珠元貝肉質細嫩，份量也給得不少。牛腩大小均稱，極腍又 Juicy，入口沒有牛羶味。貢丸香滑彈牙，非常可口，加埋泡飯，食完好滿足。另外每張檯面都放有餐廳嘅自家製辣菜脯和特調辣醬，以供客人享用，可以用嚟拌飯拌麵，超惹味。小食選了網紋春卷及香脆炸魚皮，而蔬菜就點咗金銀蒜菜心、馬拉盞芥蘭。春卷鬆化輕
喺旺角睇完戲，散場過嚟通菜街搵食。友人推薦呢間「篤篤車」，聽說大廚曾經做過米芝蓮西餐，水準絕對有保證！
店舖主打 Fusion 車仔麵，湯底以泰式為主，有泰國鱷魚湯、冬蔭功湯、咖喱湯及清湯可選，另外亦有泡飯、菜、特式小食和飲品等供應。
我哋點咗兩個套餐，一麵一飯，另加飲品。
三餸麵+小食+菜 ($81)，先講下個三餸麵，揀咗冬菇、扎肉、生根配油麵及小辣咖喱湯。湯底非常入味，入口帶濃郁咖喱香，鍾意食辣嘅朋友可以一戰。
冬菇大大隻、好厚肉；扎肉彈性十足，味道唔會過鹹。生根煙韌有咬勁，香口得來又沒有油益味，加上索晒咖喱湯嘅精華，配爽滑嘅油麵吃，惹味非常！
三餸泡飯+小食+菜 ($83)，三餸飯選了珍珠元貝(+6)、牛腩(+$6)、貢丸配鱷魚湯。湯底奶白色，味道非常清甜，內有茶樹菇、紅棗和杞子，有種飲藥膳湯嘅感覺。
珍珠元貝肉質細嫩，份量也給得不少。牛腩大小均稱，極腍又 Juicy，入口沒有牛羶味。貢丸香滑彈牙，非常可口，加埋泡飯，食完好滿足。
另外每張檯面都放有餐廳嘅自家製辣菜脯和特調辣醬，以供客人享用，可以用嚟拌飯拌麵，超惹味。
小食選了網紋春卷及香脆炸魚皮，而蔬菜就點咗金銀蒜菜心、馬拉盞芥蘭。春卷鬆化輕巧、脆而不油；魚皮塊塊都手掌咁大，入口脆卜卜。
菜心煮得啱啱好，色澤翠綠，軟硬適中，食落有金銀蒜香味；芥蘭新鮮嫩口，馬拉盞鹹鹹香香，帶微微辣勁，夠晒惹味，。
飲品點了薄荷青檸梳打 ($14) 同 紅茶花伝檸檬茶 ($10)，梳打味道好 fresh，酸中帶冰涼感，很正！檸檬茶茶味芳馥，入口帶爽甜果香。
Post
