東羅 泰館 (Closed)

東羅泰館 二人餐$348🔸泰式冬陰功湯有蝦有菇都足料🔸泰式肉碎冬瓜粉絲湯唔鍾意太濃味嘅冬陰功湯可以揀呢一個冬瓜粉絲湯，清清地又唔油膩。🔸青芒酸薑牛油果米紙卷呢個前菜好開胃，味道酸酸地，外皮煙煙韌韌，切絲嘅酸薑都好爽口，加上芒果肉，幾唔錯。🔸泰式香辣肉碎生菜包帶少少微辣，唔係太食得辣嘅都食到。肉碎肉質唔會嚡，好惹味，夾住生菜爽口又去膩。🔸薑黃菠蘿炒飯 配手作豬肉串 +$18炒飯粒粒分明，有粒粒菠蘿，帶有菠蘿酸甜味道，食落唔覺油膩，飯上面仲有堅果脆脆，好正。豬肉串唔會燒得過乾亦唔錯。🔸東羅泰秘製滷豬手豬手滷得十味，肉質軟嫩，外皮Q彈，沾醋食，酸酸地幫手去膩又清新，正！豆腐索左個汁都好食。🔸青檸薄荷特飲 $25🔸鳳梨清新特調 $25兩個特飲飲味道都好清新，冰涼解渴。🔸椰子沙沙芒果雪條凍 $38椰汁沙冰底，再加冰凍嘅芒果雪條，味道唔太甜，芒果同椰汁嘅配搭係冇得輸嘅，正！