茴香 (Closed)

茴香位於山林道，餐廳裝修得精緻有格調，提供半自助餐形式，菜式以泰式同西式fusion菜為主，價錢由$368至$498不等，今次揀咗$438既套餐已包括沙律吧、湯、前菜同主菜。🔸沙律吧呢度嘅沙律吧非常吸引，位置係餐廳正中央，有幾款沙律菜、芝士拼盤、生果、小食等，而最最最吸引之處就係有埋長腳蟹！蟹腳大大隻，味道鮮甜，啖啖肉非常滿足，而且refill得好快，唔怕俾人拎哂！🔸是日餐湯南瓜忌廉湯口感香滑濃郁，入口感覺到非常足料既南瓜溶🔸前菜泰式小食拼盤份量都幾多，有咖哩角、炸墨魚餅、雞翼、豬頸肉同炸蝦卷椰香紅咖哩軟殼蟹配烤餅咖哩煮得非常惹味，配埋烤餅食，脆卜卜🔸主菜香煎鵝肝黑松露雞卷雞卷外層嘅雞皮煎得香，肉質嫩滑，加上有黑松露點綴，味道更香口香煎加拿大豬鞍配黑莓醋汁豬鞍已切好一件件，肉質爽口，加上酸酸地嘅黑莓醋汁醬汁食落更醒胃