東羅 泰館 (Closed)

去觀塘凱匯探朋友，見到裕民坊3樓平台花園有間環境好悠閑嘅泰式餐廳，環境唔錯，門口有好多打卡位，裝修有泰國特色，中午時間都幾多人幫襯。中午套餐價錢抵食，選擇都幾多！我哋點咗兩份主食，加咗小食同嘢飲，系平靚正嘅一餐。泰南紅咖喱慢煮牛肋條飯牛肋條吸收了咖喱汁的味道，煮得好冧好入味，咖喱汁濃郁微辣，咖喱汁配上香噴噴嘅泰國香米飯，非常滿足。又話拉蟹肉炒飯蟹肉份量足夠，賣相幾好，炒飯粒粒分明，炒得乾身。炭烤魷魚鬚有驚喜，好鐘意佢夠香口，沾上自家製香辣醬汁，真係好好味。炸薯條佢嘅外層炸得好酥脆，入口即化。香草蒜茸法包條賣相不錯，蒜蓉味突出，法包外酥內鬆軟，表面微微焦香，非常香口。香茅斑蘭茶 感覺很養生，口感好清新，混合咗香茅同斑蘭嘅味道，香氣四溢。