Mee...lemongrass (ac四期) (Closed)

今天約左朋友去海洋公園玩，因為太熱所以早走，玩完下午就去左香港仔食午餐，朋友介紹這個mee lemongrass店舖上次食過好好食，我們叫左MEE… 喇沙有大蝦、蜆肉、蟹柳、魚蛋、豆卜，雞蛋$64， 大蝦好新鮮彈牙而且好鮮甜，蜆肉都有幾隻，蟹柳是仿蟹柳，魚蛋好彈牙，豆卜浸入左喇沙味，非常惹味，$64都好抵食，充滿有好多材料，喜歡食喇沙既朋友和多餸這個一定喜歡。馬來蜜汁炭燒厚切豬扒撈檬$54， 見到塊豬扒嚇咗一跳，實在好大塊又厚身，非常之惹味同埋好腍不會鞋口， 旁邊有一些酸菜和一些蔬菜絲，檬粉好爽滑加咗啲魚露汁落去好好味，熱天食就最開胃。鮮果四季春茶$20，內有橙、蘋果和西柚都好大杯， 稍為甜咗些 ，因我忘記落單時要說少甜，夏天飲較為消暑解渴！富士蘋果茉莉綠茶 $20，內有幾片蘋果， 這杯比較好啲冇咁甜同埋有啲茉莉花香味， 飲落口非常清新 ，這杯唔錯值得推介！希望大家喜歡我介紹，如果行過香港仔順道去試下，但在食午飯時間特別多人，最好在下午茶時間去食比較好些。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨