泰Grill (天晉匯)

餐廳位於將軍澳，由泰國廚師製作，主打多款地道泰國菜，燒雞、串燒、冬陰功等，另外亦有好多常見嘅飯類及麵食提供，價錢親民，地點方便，住喺附近嘅朋友仔可以試一試～ 金邊粉同菠蘿炒飯就食得多，今次要咗個軟殼蟹蟹肉炒飯試試，軟殼蟹大大塊，外皮炸至金黃色，酥脆可口，內裡有肉，鮮甜嘅，唔似雪藏！炒飯粒粒分明，混合蟹肉後感覺昇華咗，蟹肉唔少，整體口感豐富，性價比高～ 小食有菠蘿，兩串啱啱好，多汁又酸甜，正😄食得泰國菜當然唔少得海南雞，半隻份量，色澤好靚，皮爽肉滑，早知應該叫埋個油飯配住食啦，可惜可惜🥺 朋友唔食得辣，所以要咗份西蘭花炒蝦仁，估唔到幾有驚喜，份量唔少，炒得幾有鑊氣，而且唔算好油，西蘭花新鮮，蝦仁爽彈，值得一試！