新泰東南亞餐廳 (雙子匯1期)

Open Now

Now Closed

今晚行雙子滙發現佢哋樓上有間好有特色嘅泰國餐廳，裝修真系好吸引！餐廳寬敞又大間，牆身用咗好多泰式手工藝品點綴，金色大象仲好適合打卡，好多卡位非常好坐，仲要景觀開揚，好適合同朋友飯聚。泰式柚子蝦沙律好有驚喜！柚子果肉超級清新酸甜！大蝦口感彈牙鮮香，酸咪咪好開胃！南瓜海鮮焗飯原隻南瓜上，加入青口、魷魚等海鮮，裝到滿瀉，米飯入味！小拼盤（蝦餅、魚餅）可以同時食到蝦餅同魚餅，蝦餅彈牙，魚餅有特色，沾少少泰式辣醬，更提升咗佢個風味。泰式燒雞雞皮燒得香脆，肉質嫩滑，份量仲要好滿足。