Video
Read full review
2010-10-10
57 views
9-10-2010星期六最喜歡到靜中帶旺的地區搵食, 上星期去了西環尾 (食乜嘢: http://www.openrice.com/restaurant/commentdetail.htm?commentid=2121315), 是日就去大坑吧; 不過嚟到又無乜心水, 見呢間未食過又好似幾地道 (起碼餐牌有泰文字), 又試試. 2 人叫了一人一飲品, 另 share 一碟炒飯, 一客沙爹串燒及一份小食, 整體無樣好食之餘, 仲感受到佢幾無誠意, 真 xyz 龍眼冰: 初時覺得幾清甜, 味道仲唔知點解有點台式「冬瓜茶」的影子 (!?), 但愈飲又愈覺得太甜... 不過好在 d 冰夠多, 加埋「溶冰」就甜度剛好. 串燒沙爹豬 (半打): 只係用長牙籤串住無醃過的切條豬扒, 咬落好韌又無味; 醬汁帶點椰味, 少少辣, 唔算惹味, 但既然豬肉本身無味, 蘸嚟食較好都唔出奇吧.炸海鮮扎: 賣相有點似「貴庚」(即係乜: http://www.openrice.com/restaurant/commentdetail.htm?commentid=1955314), 食落原來係腐皮包住疑似魚肉
星期六最喜歡到靜中帶旺的地區搵食, 上星期去了西環尾 (食乜嘢: http://www.openrice.com/restaurant/commentdetail.htm?commentid=2121315), 是日就去大坑吧; 不過嚟到又無乜心水, 見呢間未食過又好似幾地道 (起碼餐牌有泰文字), 又試試. 2 人叫了一人一飲品, 另 share 一碟炒飯, 一客沙爹串燒及一份小食, 整體無樣好食之餘, 仲感受到佢幾無誠意, 真 xyz
龍眼冰: 初時覺得幾清甜, 味道仲唔知點解有點台式「冬瓜茶」的影子 (!?), 但愈飲又愈覺得太甜... 不過好在 d 冰夠多, 加埋「溶冰」就甜度剛好.
串燒沙爹豬 (半打): 只係用長牙籤串住無醃過的切條豬扒, 咬落好韌又無味; 醬汁帶點椰味, 少少辣, 唔算惹味, 但既然豬肉本身無味, 蘸嚟食較好都唔出奇吧.
炸海鮮扎: 賣相有點似「貴庚」(即係乜: http://www.openrice.com/restaurant/commentdetail.htm?commentid=1955314), 食落原來係腐皮包住疑似魚肉膠, 帶少少五香味, 不過質地粉粉腍腍, 乜咁似(麵粉)魚肉燒賣? 夾多兩件亦發現碟底油漬勁多, 唯有放棄吧.
「蝦長炒飯」: 英文寫 "shrimp paste", 應該係蝦醬炒飯吧? 嚟到卻變了一堆濕濕腍腍又無蝦醬味的飯, 旁邊則圍滿配料 (醬油豬肉, 泰式臘腸, 鹹蛋, 生洋蔥, 生豆角粒, 辣椒粒及青蘋果絲), 零「炒」過的痕跡喎, 未 ready 就拎出來 serve? 好啦, 自己將配料撈飯吧, 食落又唔係太難食, 但呢味同小朋友將未做完的勞作求其拎去當美術功課交一樣, 誠意負分, 100 個 thumbs down!
「泰式凍茶」: 朋友快飲晒佢杯龍眼冰了, 我 order 的「泰式凍茶」就食晒成餐飯都未嚟, 朋友就幫我追單, 而得到嘅回覆係店員死撐「嚟緊0架喇, d 茶啱啱得咋嘛」, 跟住半分鐘內「啪」一聲「擲」杯茶俾我, 再踩朋友一腳又唔講 sorry -- 想點? 味道就同天后嗰間的 (http://www.openrice.com/restaurant/commentdetail.htm?commentid=2065056) 差不多, 一樣帶點「涼粉」及不知名 spices 的味道, 不過 aftertaste 怪怪的, 睇嚟泰式奶茶都係唔啱我的了.
另送了是日糖水: 係椰汁黑糯米, 雖然質地好稀, 黑糯米奇少又硬硬的, 不過起碼味道係正正常常的椰汁味, 成餐飯最好食睇怕係佢了.
食物唔得, 招呼就唔使講啦, 每人丟低 $65 立即要轉場溝貨, 呢度真係請我都唔想再來.
都好耐無試過食泰國嘢食得咁唔滿意, 莫非被自己地頭的泰菜館寵得太壞了?
Post
