Video
Read full review
2019-03-18
3911 views
下個月好朋友結婚,新娘搵我幫手設計襟花,我當然一口答應!我們都特別鐘情食泰國菜,所以約好今晚去泰國餐廳,一邊食飯一邊傾細節!餐廳位於銅鑼灣市中心,由地鐵行去只需要1分鐘,實在太方便!內裡裝修簡約舒適,窗口好多,採光度幾好!早上的自然光可以透過窗口令室內更明亮!晚上燈光調教得剛剛好,不會太光或太暗!如果坐在窗邊座位,更可以睇到由28樓望下去的風景,真的不錯!點完餐後,店員拎左5款醬汁出來逐一介紹!!他們都講得十分仔細!甜酸咸辣味都有!!我忍唔住每款醬汁都試,全部都好醒胃!!店員知我們點左炸蝦餅,所以比埋甜酸醬比我們,所以我們共有6款醬汁任點!<炸蝦餅> 炸到金黃色又厚身的蝦餅,炸得好乾爽,完全沒有油膩感,咬開香脆的外層啖啖肉,口感彈牙!!點醬汁一齊食,非常好味!<炒鮮蝦金邊粉> 賣相十分吸引!!最吸精的地方係將雞蛋煎成網狀的蛋網!!做得好精緻!!蛋網包住炒得乾身又帶點甜味的金邊粉,配上3隻新鮮彈牙的大蝦!!再加點青檸汁,食起來酸酸甜甜,更加滋味!<帕能咖哩雞配薄餅> 帕能咖哩味道偏甜唔辣,還滲出淡淡椰奶香味!雞肉新鮮,口感嫩滑,西蘭花煮得好
餐廳位於銅鑼灣市中心,由地鐵行去只需要1分鐘,實在太方便!內裡裝修簡約舒適,窗口好多,採光度幾好!早上的自然光可以透過窗口令室內更明亮!晚上燈光調教得剛剛好,不會太光或太暗!如果坐在窗邊座位,更可以睇到由28樓望下去的風景,真的不錯!
點完餐後,店員拎左5款醬汁出來逐一介紹!!他們都講得十分仔細!甜酸咸辣味都有!!我忍唔住每款醬汁都試,全部都好醒胃!!店員知我們點左炸蝦餅,所以比埋甜酸醬比我們,所以我們共有6款醬汁任點!
<炸蝦餅> 炸到金黃色又厚身的蝦餅,炸得好乾爽,完全沒有油膩感,咬開香脆的外層啖啖肉,口感彈牙!!點醬汁一齊食,非常好味!
<炒鮮蝦金邊粉> 賣相十分吸引!!最吸精的地方係將雞蛋煎成網狀的蛋網!!做得好精緻!!蛋網包住炒得乾身又帶點甜味的金邊粉,配上3隻新鮮彈牙的大蝦!!再加點青檸汁,食起來酸酸甜甜,更加滋味!
<帕能咖哩雞配薄餅> 帕能咖哩味道偏甜唔辣,還滲出淡淡椰奶香味!雞肉新鮮,口感嫩滑,西蘭花煮得好軟腍,唔會硬到咬唔到!點小小咖哩汁在薄餅上,一啖雞肉一啖西蘭花,非常惹味!!
<香辣通菜> 通菜炒得有鑊氣,火喉十足,口感爽脆,配上蒜粒同辣椒,食起來辣辣地好開胃!
<芒果煎糯米飯> 糯米飯煎到外層金黃色,微微煎焦顯得外脆內軟,口感煙煙韌韌,淋上椰汁和灑上椰絲,散發出陣陣椰香味,配上超甜芒果,真係好味到不能錯過!
整體來講,餐廳環境和食物都好高質素!下次再來銅鑼灣都要帶朋友再來食一次!
Post
