泰Grill (天晉匯)

這間走休閑風格的泰國菜小店位於將軍澳站附近的商場內，座位有分室內同室外可供選擇，坐室外嘅感覺就比較chill啲，方便帶埋寵物嚟一齊食. 今次我們選擇坐室內，地方雖然不算大，但唔會覺得逼夾，有足夠空間可以放食物. 食物叫咗午餐手打青咖喱雞肉米線套餐，跟餐可以選青木瓜沙律或冬蔭功湯（細），另外可以加優惠價配飲品及甜品.我哋叫咗杯蛇皮果特飲同埋人氣芒果糯米飯，飲品可以根據喜好選擇少甜少冰，另外叫咗泰式燒牛肉、燒蠔、燒虎蝦. 第一次食青咖喱湯底的麵，味道幾驚喜，唔會好油膩，又唔會杰身，少少辣，雞肉唔老，米線滑身. 冬蔭功湯有椰香味辣辣哋幾好飲. 蛇皮果特飲味道夠fresh，可以中和一下味蕾，refresh一下口腔. 芒果糯米飯賣相精緻，心型造形，兩款糯米，芒果夠甜，椰漿鹹鹹甜甜，味道調教得幾好. 燒牛肉，牛排燒得幾香口，唔乾身，肥瘦適中，不錯. 燒虎蝦都幾大隻，肉質彈牙，加埋醬汁更惹味. 燒蠔也燒得不錯，juicy. 服務方面也幾好，整體來講不錯，值得支持. 見佢有到會套餐，有朋友來屋企食飯，唔想煮，可以試吓😋.