Greyhound Café (MOKO新世紀廣場) (Closed)

今日同幾個同學食個早lunch，1100未夠鋪頭都未開我地已經ready晒係門口。1100點正開門鋪面得一個staff就等佢安排我地入坐。坐低左，都要等個staff安排晒其他食客先落到order，得佢一個一腳踢🙈🙈🙈🙈我地就樣樣嗌d share食。其實食物既賣相唔錯，不過全部分量都好細，以粉麵黎計，一個人嗌都唔夠飽。😩😩😩先講下個沙律，我覺得冇咩蜜糖芥茉醬係度，係純粹放隻軟殼蟹係d生菜面姐。之後個煎牛柳粒，個d牛柳粒好硬好un，overcook晒，唔ok。再黎個餡餅，呢個我覺得好好味，食落外脆內軟，入面仲好似芝士心咁，餡料好足味道仲好好tim👍🏻👍🏻👍🏻👍🏻跟住個d粉麵都幾好食，不過真係太細分量，個湯米既湯底都唔錯，好濃既牛肉湯，而且仲好夠熱👍🏻👍🏻👍🏻總括黎講，可以更好，不過前菜真係麻麻地，有待改善，而主食係唔錯既。