Video
Read full review
2018-02-14
61 views
情人節前夕，明知聽日食西餐，今晚就決定揀個泰式野食下。咁岩今日係長沙灣行街，見到呢間店好似裝修幾新，感覺幾好就行左入去。兩個人叫左一個飯，兩個小菜，一個甜品，一杯野飲。咖哩炒蜆 $98 + 辣椒膏蝦頭油海鮮炒飯 $58 + 燒豬頸肉 $58 + 椰汁三色冰 $22 + 芒果糯米飯 $58 = $294 (免加一)。 員工反應好快，一入去就招呼我地，落單，上第一道菜，十分鐘內既事。第一道菜係燒豬頸肉，肥瘦岩岩好，仲好大碟，我見到佢有個$48既豬頸肉飯，可能個個少啲豬頸肉 。個醬唔係麥記超市個支hea你既甜酸醬，佢真係自己調味，有落新鮮香料，十分有驚喜😋杯野食呢個時候到左，用黎襯個豬頸肉都不錯。佢個三色唔係平時食個隻三色，我特登影左比大家睇，除左綠色條，仲有紅色同黃色粒粒，佢地入面係有餡架! 留返啲驚喜比你，自己試下係咩餡啦 😂 (係好食架!)第二道菜上炒飯，其實本身我諗住我唔會食個飯，因為我係唔食蝦膏，但係食落又唔係平時炒菜個飯味，唔食蝦膏既人都可以一試! 好惹味，又夠料。第三道就係咖啡炒蜆，完全唔辣，係行椰香路線。粒蜆比想像中大，個汁撈飯食一流 ❤。最後就係個個甜品啦！芒果少酸，唔係季
兩個人叫左一個飯，兩個小菜，一個甜品，一杯野飲。
咖哩炒蜆 $98 + 辣椒膏蝦頭油海鮮炒飯 $58 + 燒豬頸肉 $58 + 椰汁三色冰 $22 + 芒果糯米飯 $58 = $294 (免加一)。
員工反應好快，一入去就招呼我地，落單，上第一道菜，十分鐘內既事。
第一道菜係燒豬頸肉，肥瘦岩岩好，仲好大碟，我見到佢有個$48既豬頸肉飯，可能個個少啲豬頸肉 。個醬唔係麥記超市個支hea你既甜酸醬，佢真係自己調味，有落新鮮香料，十分有驚喜😋
杯野食呢個時候到左，用黎襯個豬頸肉都不錯。佢個三色唔係平時食個隻三色，我特登影左比大家睇，除左綠色條，仲有紅色同黃色粒粒，佢地入面係有餡架! 留返啲驚喜比你，自己試下係咩餡啦 😂 (係好食架!)
第二道菜上炒飯，其實本身我諗住我唔會食個飯，因為我係唔食蝦膏，但係食落又唔係平時炒菜個飯味，唔食蝦膏既人都可以一試! 好惹味，又夠料。
第三道就係咖啡炒蜆，完全唔辣，係行椰香路線。粒蜆比想像中大，個汁撈飯食一流 ❤。
最後就係個個甜品啦！芒果少酸，唔係季節？唔識。糯米飯同個汁都好好食，上個陣仲熱辣辣。
每道平均幾十蚊，大大碟，算抵食。我放工九點半先去食飯都見到不停有人入黎食飯 (我地食得慢，所以見到人地去走我地仲食緊😂)。可能早去仲要等位🤔。
下次經過會再介紹朋友食 😋
Post
