泰 (銅鑼灣廣場二期) (Closed)

朋友話想食泰菜，就腳揾返銅鑼灣區。此店環境光鮮，而且卡位闊落坐得舒適，設有晚市二人及四人套餐，價錢合理。鮮蝦柚子沙律 $88柚子清甜撈左青瓜絲多了份爽脆口感，仲有魚乾仔好香脆，沙律底汁酸辣越食越開胃。泰式小食併盤 $118炸蝦餅裡有蝦肉好嚼口，魚餅香口，春卷脆卜卜，蘸埋泰式辣醬酸酸甜甜。單骨雞翼雞皮酥脆肉嫩，串燒雞和串燒豬啖啖肉口感滿足，蘸埋沙嗲醬非常惹味。咖哩炒軟殼蟹 $168蟹件大份炸得香脆，配料有蔥段、紅蘿蔔、紅辣椒及粟米芯等。黃咖哩汁甜而不辣，醬汁較濃稠，叫埋薄餅索汁食都唔錯。香酥薄餅 $32薄餅三塊，酥皮有幾層，咬落唔油膩少少淋，配上青咖哩汁微辣好香口。想一滴不留清晒軟殼蟹既咖哩汁就靠晒個薄餅。椰汁珍多冰 $48冰凍椰汁清甜可口，甜度適中，解辣一流。