真心泰國菜館 (Closed)

有一晚行完朗豪坊，去鄰近的朗晴坊二樓真心泰果度食泰菜。進店時，店內裝飾以傘花為主，掛上泰式的飾物，仲播放泰國流行曲，仿如置身在泰國。我們叫了二人餐，其實都好豐富。冬蔭功湯很香椰奶味，酸酸辣辣帶點香茅味道，蝦夠大隻，肉質爽口，香料很充足，我們覺得岩香港人口味，唔算太辣，椰奶中和辣味。泰式炸蝦餅炸至金黃，很大件又厚身，炸粉適量，蝦滑爽口彈牙，切成四塊容易處理，點上甜酸醬，很惹味又酥脆。乾炒鮮蝦河份量夠二人食，河粉用闊條的河粉，很滑口，炒得乾身，蝦仁的份量都夠，醬汁均沾整道餸菜。蠔油扒雜菜很健康，菜款多樣，食落去很美味，西蘭花炒到岩岩好，唔怕太硬。食完晚餐仲有椰汁糕，餐飲我叫了泰式奶茶，暫時都可以一解思鄉之情。