Video
Read full review
2011-03-01
48 views
26-2-2011是日忽然想食泰菜的「柚子沙律」, 用 Openrice 的「食評搜尋」搵到呢度有供應, 就捉了朋友陪我過嚟睇睇. 2 人叫了一份 set lunch (跟一杯飲品及甜品), 另散叫半打沙爹串燒及一份柚子沙律 share 食; 再加多一杯飲品:-大家的飲品都叫了龍眼冰: 夠冰凍, 亦清甜解渴, 悸悶的天氣下飲一杯實在不錯. Set lunch 的主食係蝦醬炒飯: 又係炒飯, 炒蛋, 青木瓜條, 泰式臘腸及肉鬆分開上... 飯落了青豆, 豆角, 辣椒 etc 同炒, 炒得乾身, 蝦醬味香, 比上次喺大坑某店的同類出品 (http://www.openrice.com/restaurant/commentdetail.htm?commentid=2122668) 好食得多; 炒蛋炒得幾鬆, 食落夠滑, 拌飯同吃很不錯; 青木瓜條幾爽脆, 亦比預期中甜及唔辣; 臘腸及肉鬆就太甜了, 唔啱口味.半打沙爹串燒要了豬, 牛及雞各 2, 三者都醃得入味, 香茅味幾香,「嫩腍度」就係豬 > 雞 > 牛, 整體都幾好食, 不過雞肉就絕對如朋友所言,「泰妃雞的好食得
26-2-2011是日忽然想食泰菜的「柚子沙律」, 用 Openrice 的「食評搜尋」搵到呢度有供應, 就捉了朋友陪我過嚟睇睇. 2 人叫了一份 set lunch (跟一杯飲品及甜品), 另散叫半打沙爹串燒及一份柚子沙律 share 食; 再加多一杯飲品:-
大家的飲品都叫了龍眼冰: 夠冰凍, 亦清甜解渴, 悸悶的天氣下飲一杯實在不錯.
Set lunch 的主食係蝦醬炒飯: 又係炒飯, 炒蛋, 青木瓜條, 泰式臘腸及肉鬆分開上... 飯落了青豆, 豆角, 辣椒 etc 同炒, 炒得乾身, 蝦醬味香, 比上次喺大坑某店的同類出品 (http://www.openrice.com/restaurant/commentdetail.htm?commentid=2122668) 好食得多; 炒蛋炒得幾鬆, 食落夠滑, 拌飯同吃很不錯; 青木瓜條幾爽脆, 亦比預期中甜及唔辣; 臘腸及肉鬆就太甜了, 唔啱口味.
半打沙爹串燒要了豬, 牛及雞各 2, 三者都醃得入味, 香茅味幾香,「嫩腍度」就係豬 > 雞 > 牛, 整體都幾好食, 不過雞肉就絕對如朋友所言,「泰妃雞的好食得多」; 沙爹汁就以椰味為主, 食落唔辣, 同以前喺九龍城泰國店的沙爹汁 (e.g. ) 味道差不多. 我覺得「齋」食比蘸汁更討好, 不過整體係幾好食的.
柚子蝦沙律: 「一楷楷」的碌柚無澀味, 亦夠甜夠多汁; d 蝦就原來炸過, 肉爽, 不過唔算香口, 相信唔炸會更啱口味; 其他配料仲有炸過的椰絲 (?), 洋蔥 etc, 配上少少辣又帶點魚露 feel 的酸汁, 幾開胃的, 最後輕易清碟.
Set lunch 的甜品係兩件青色的糕點, 食落帶點椰味, 質地爽爽的似足大菜糕, 唔知乜嚟0架呢?
環境係 cafe 格局, 乾淨又光猛, 不過坐喺一檯講嘢大大聲的「墟」旁, 被迫聽佢哋的投資謬論, 都咪話唔辛苦; 店員們幾友善又有禮貌, 招呼亦不錯.
每人埋單 $100 有找, 對呢度的印象一直只係「大坑店的 caffe latte 幾好飲」(「大坑店」即係邊度: http://www.openrice.com/restaurant/commentdetail.htm?commentid=2036700) , 估唔到灣仔呢間泰菜原來都不錯, 都值得試試的.
Post
